Башҡортостандан бобслейсы Илвир Хузинды ғүмерлеккә дисквалификациялау алынды

ӨФӨ, 2018 йыл, 1 февраль. /«Башинформ» мәғлүмәт агентлығы, Ғәлиә Нәбиева/. 11 спортсыны ғүмерлеккә Олимпиадаларҙан ситләтеү 2018 йылғы уйындарҙың берәүһен төшөрөп ҡалдырыуға алмаштырылды. Улар иҫәбендә Башҡортостандан бобслейсы Ильвир Хузин да бар. Лозанналағы Спорт арбитраж суды (CAS) Рәсәй спортсыларының апелляцияһын өлөшләтә ҡәнәғәтләндерҙе, тип хәбәр итә ТАСС.

11 спортсы иҫәбенә бобслейсылар Александр Зубков, Алексей Воевода, Александр Касьянов, Алексей Пушкарев, Ильвир Хузин, саңғысылар Юлия Иванова, Юлия Чекалева, Анастасия Доценко, хоккейсылар Галина Скиба, Анна Шибанова, Инна Дюбанок инә. Уларҙың Сочиҙағы уйындарҙа өлгәшкән һөҙөмтәләре юҡ ителде, допингка ҡаршы ҡағиҙәләрҙе боҙоуҙа ғәйебе билдәләнде, шулай ҙа улар бер генә Олимпиаданы ҡалдыра.

Хәтерегеҙгә төшөрәбеҙ, бынан алда Освальд комиссияһы 2014 йылда Сочиҙа Олимпия уйындарында ҡатнашыусыларҙың допинг-пробаларын ҡабаттан тикшереү менән шөғөлләнде. Комиссия һығымтаһы буйынса илебеҙҙең 43 спортсыһы ғүмерлеккә Олимпиадаларҙа ҡатнашыуҙан ситләтелде, ә уларҙың 2014 йылғы уйындарҙа күрһәткән һөҙөмтәләре юҡҡа сығарылды.

Александр Зубков, Дмитрий Труненков, Алексей Негодайло, Александр Касьянов, Алексей Пушкарев, Илвир Хузин, Ольга Стульнева, Алексей Воевода, Людмила Удобкина, Максим Белугин (бөтәһе лә — бобслей), Александр Третьяков, Сергей Чудинов, Елена Никитина, Ольга Потылицына, Мария Орлова (барыһы ла — скелетон), Александр Легков, Евгений Белов, Максим Вылегжанин, Алексей Петухов, Юлия Иванова, Евгения Шаповалова, Юлия Чекалева, Анастасия Доценко, Никита Крюков, Александр Бессмертных, Наталья Матвеева (бөтәһе лә — саңғы ярыштары), Ольга Фәтҡулина, Александр Румянцев, Иван Скобрев, Артем Кузнецов (барыһы ла — конькиҙа йүгереү спорты), Екатерина Лебедева, Галина Скиба, Анна Шибанова, Екатерина Смоленцева, Екатерина Пашкевич, Инна Дюбанок, Татьяна Бурина, Анна Щукина (бөтәһе лә — хоккей), Татьяна Иванова һәм Альберт Демченко (икеһе лә — сана спорты), Ольга Вилухина, Яна Романова, Ольга Зайцева (барыһы ла — биатлон) Халыҡ-ара олимпия комитеты санкцияларына эләкте.

http://www.bashinform.ru/news/1111388-pozhiznennaya-diskvalifikatsiya-bashkirskogo-bobsleista-ilvira-khuzina-otmenena/