Өфөнән конькиҙа йүгереүсе Руслан Захаров Пекиндағы уйындарға әҙерләнә

ӨФӨ, 2018 йыл, 25 ғинуар. /«Башинформ» мәғлүмәт агентлығы, Наталья Овчарук/. Уҙған көндәрҙә Өфө егете, хәҙер конькиҙа йүгереү спортында Мәскәү өлкәһе өсөн сығыш яһаусы Руслан Захаровтың Пхенчханға Олимпиадаға бармауы билдәле булды. Халыҡ-ара олимпия комитеты Өфө егетен Пхенчхандағы Уйындарҙа ҡатнашыусылар исемлегенә индермәгән.

Илдең бөтә спорт йәмәғәтселеге Халыҡ-ара олимпия комитеты ҡарарынан һуң ҡәнәғәтһеҙлеген белдерҙе, сөнки 20-нән ашыу спортсыға ярыштарҙа ҡатнашыу рөхсәт ителмәгән.

Был яңылыҡтан һуң Руслан Захаров үҙ сәхифәһендә «Пекинға юл-2022» тигән ҡыҫҡа исем аҫтында фото ҡуйған. Конькиҙа йүгереүсе Халыҡ-ара олимпия комитеты ҡарары менән килешкән, ахыры, һәм Ҡытайҙағы Олимпия уйындарына әҙерләнә башлаған инде.

2018 йылғы Олимпиадала ҡатнашыуға рөхсәт бирелмәгәндән араһында биатлонсы Антон Шипулин, саңғысы Сергей Устюгов, конькиҙа йүгереүселәр Денис Юсков, Павел Кулижников, Руслан Захаров, шорт-трексылар Виктор Ан, Владимир Григорьев, Денис Айрапетян, Артем Козлов, Евгения Захарова, Татьяна Бородулина, санасылар Татьяна Иванова, Виктория Демченко, хоккейсылар Антон Белов, Алексей Береглазов, Михаил Науменков, Валерий Ничушкин, Сергей Плотников, фигурасылар Ксения Столбова, Иван Букин, бобслейсылар Роман Кошелев һәм Юлия Шокшуева иҫәпләнә.

http://www.bashinform.ru/news/1107730-konkobezhets-iz-ufy-ruslan-zakharov-posle-otkaza-mok-v-olimpiade-2018-gotovitsya-k-igram-v-pekine-/