«Салауат Юлаев» хоккейсыһы Пхенчханға Олимпиадаға бара

ӨФӨ, 2018 йыл, 12 ғинуар. /«Башинформ» мәғлүмәт агентлығы, Наталья Овчарук/. Өфө хоккейсылары Көньяҡ Кореялағы ҡышҡы Олимпия уйындарына бара. Атап әйткәндә, Пхенчханға «Салауат Юлаев» хоккей клубы ҡапҡасыһы Бенс Скривенс юллана. Ул Канада йыйылмаһын яҡлай. Был турала Милли хоккей федерацияһының рәсми сайтында хәбәр ителә.

Скривенс менән бергә Олимпия уйындарына Канада йыйылмаһында Германия хоккей лигаһынан «Кельн» клубы вәкиле Джастин Питерс һәм Австрия хоккей лигаһынан «Медвешчак» командаһы уйынсыһы Кевин Пулен бара.

Континенталь хоккей лигаһында уйнаусыларҙан Канада коллективы өсөн Пхенчханда Чарльз Дженовей («Лада»), Марк-Андре Граньяни («Динамо» Минск), Крис Ли («Металлург»), Мэт Робинсон (ЦСКА), Карл Столери («Динамо» Рига), Жильбер Брюле («Куньлунь Ред Стар»), Куинтон Хауден («Динамо» Минск), Роб Клинкхаммер («Ак Барс»), Брэндон Козун («Локомотив»), Эрик О`Делл («Сочи»), Войтек Вольски («Металлург») һәм Линден Вей («Барыҫ») сығыш яһай.

Континенталь хоккей лигаһының юбилей миҙгелендә Бен Скривенс «Салауат Юлаев» өсөн 35 уйында ҡатнашты. Уларҙа Канада голкиперы 34 шайба үткәрҙе һәм 819-ын (91,7 процент) кире ҡайтарҙы. Өфө ҡапҡасыһының ышаныслылыҡ коэффициенты – 2,29.

http://www.bashinform.ru/news/1102844-khokkeist-khk-salavat-yulaev-poedet-na-olimpiadu-2018-v-pkhenchkhan/