Республика Йәштәр сәйәсәте һәм спорт министрлығының матбуғат хеҙмәтенән хәбәр итеүҙәренсә, WS WH1 класында Екатерина Банникова, Санкт-Петербургтан Наталья Ангарованан һәм Ставрополь крайынан Ирина Кузьменконан ҡалышып, «бронза» яуланы.
WD WH1-WH2 класында Миләүшә Шафиҡова (Башҡортостан) һәм Татьяна Гуреева (Мәскәү) алтын миҙал алды. Икенсе урында — Людмила Игнатенко, Ирина Кузьменко (икеһе лә — Ставрополь крайынан), өсөнсөлә иһә Алла Арефьева (Санкт-Петербург) һәм Екатерина Банникова (Башҡортостан).