Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Болотло
Бөтә яңылыҡтар
Спорт
19 Декабрь 2017, 10:00

Башҡортостан спортсылары каратэ буйынса донъя чемпионатында еңеү яуланы

Башҡорт дәүләт университетының Стәрлетамаҡ филиалы матбуғат хеҙмәте
Башҡорт дәүләт университетының Стәрлетамаҡ филиалы матбуғат хеҙмәте
ӨФӨ, 2017 йыл, 19 декабрь. /«Башинформ» мәғлүмәт агентлығы, Гөлфиә Акулова/. Башҡорт дәүләт университетының Стәрлетамаҡ филиалы студенттары Карина Ямасипова һәм Искәндәр Басареев каратэ буйынса Донъя кубогында 1-3 урындар алды, тип хәбәр иттеләр юғары уҡыу йортонан. Ҡыҙ 60 килограмға тиклем ауырлыҡ категорияһында кумитэла донъя чемпионы һәм команда кумитэһында көмөш призер булды. Финалда Рәсәй йыйылмаһы Белоруссияға биреште. Искәндәр Рәсәй йыйылмаһы өсөн алыштарҙа бронза яуланы һәм команда катаһында көмөш һәм бронза призер булды.
Был спортсылар 10 йылдан ашыу каратэ менән шөғөлләнә, Рәсәй һәм Европа ярыштарында тиҫтәләгән еңеү яулаған.
«Улар донъя чемпионатында тәүгә ҡатнашты, – тип билдәләне тренер Александр Махновский. – Алда уҡыу-күнекмәләренә әҙерлек, Иваново ҡалаһында бөтә стилдәге каратэ буйынса юғары уҡыу йорттары һәм урта махсус белем биреү йорттары студенттары араһында Волга буйы федераль округы ярыштары».
Донъя кубогында Башҡортостан командаһында шулай уҡ Стәрлетамаҡта Өфө дәүләт нефть техник университеты филиалы студенты Марсель Фәтҡуллин сығыш яһаны.
http://www.bashinform.ru/news/1094621-sportsmeny-iz-bashkirii-pobedili-na-chempionate-mira-po-karate/
Автор:Гөлфиә Акулова
Читайте нас: