Өфө биатлонсыһы Антон Бабиков «Өфө» һәм «Салауат Юлаев» уйындарына ни өсөн йөрөмәгәнен һөйләне

ӨФӨ, 2017 йыл, 16 ноябрь. /«Башинформ» мәғлүмәт агентлығы, Наталья Овчарук/. Эстафетала донъя чемпионы, өс тапҡыр Европа чемпионы һәм өс тапҡыр Европа ярыштарының бронза призеры, Өфө биатлонсыһы Антон Бабиков «Совет спорты»на ҙур интервью бирҙе. Унда яҡташыбыҙ «Өфө» футбол клубы һәм «Салауат Юлаев» хоккей командаһы уйындарына ни өсөн йөрөмәгәнен аңлатты.

«Ул миндә көслө хис-тойғолар тыуҙырмай. Шуғалыр ҙа футбол һәм хоккей командалары булған Өфөлә йәшәһәм дә, мин бер ҡасан да уйындарҙа булғаным юҡ. Социопат түгелмен, әммә бындай төрҙәге уйындарға йөрөү миндә ҙур шатлыҡ уятмай. Телевизор алдында үҙемде уңайлыраҡ тоямдыр. Әгәр миңә һәйбәт компанияға ҡушылырға һәм ҡыҙыҡлы матчҡа барырға тәҡдим итһәләр, моғайын, ризалашыр инем. Ә былай футболда минең кумирҙарым юҡ», — тине биатлонсы.