«Өфө» һәм «Әхмәт» футбол клубтары һөҙөмтәле уйын ойошторҙо

ӨФӨ, 2017 йыл, 7 август. /«Башинформ» мәғлүмәт агентлығы, Дмитрий Слезин/. Баш ҡалала «Өфө» һәм Грозный ҡалаһының «Әхмәт» футбол клубтары араһында Рәсәй футбол Премьер-лигаһы чемпионатының 4-се туры уҙҙы.

Тәүге таймда бер кем дә туп индерә алманы, ярышташтар бер-береһенең хатаһын көттө.

Беренсе булып хужалар хата ебәрҙе. 48-се минутта йәнә өфөләрҙең үҙәк һаҡсыһы Джемал Табидзе хаталанды һәм Бразилиянан Лео иҫәпте асты — 1:0

Сергей Семак һөжүмде максималь рәүештә көсәйтеп, өс тапҡыр уйынсыларҙы алмаштырҙы. 10 минут ҡалғас алдағы өс уйында бер тупты ла үткәрмәгән «Әхмәт» командаһы Өфө клубынан бер юлы өсәүҙе алды. Башта Боян Йокич Дмитрий Стоцкийҙың флангынан тапшырыуын бикләне – 1:1. Штраф һөжүмен уйнатҡандан һуң дүрт минут үткәс Павел Аликин елкәһе менән тупты ҡунаҡтарҙың ҡапҡаһына ебәрҙе – 2:1. Шуның менән дә мәрәйҙәр программаһы тамамланманы – Дмитрий Сысуев йәнә «Әхмәт» клубының көсһөҙ мөйөшөнә индерҙе – 3:1.

Ҡунаҡтар уйындың ахырына ҡәҙәр көрәште һәм һуңында Анхель тырышып, туп индерҙе – 2:3.

Шуныһы ҡыҙыҡ, йәш составтар алышында мәрәйҙәр һаны шул уҡ булды – Өфө «йәштәре» һуңғы минуттарҙа даими иҫәпте алып барып, еңеү яуланы – 3:2. Өфөнөң йәштәр клубы иң күп мәрәй менән турнир таблицаһын етәкләй – 12.

Төп команда 8 мәрәй йыйып, дүрт уйын еңелмәй.

8 августа бишенсе турҙа өфөләр Пермдә «Амкар»ға ҡаршы уйнаясаҡ.