Шаршамбы, 21 Октябрь 2026

Өфө

0 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Һуңғы яңылыҡтар

Төп бит/Спорт

09:48 (UTC+5), 17 Июль 2017

Рөстәм Хәмитов «I BIKE UFA» велоуҙышында ҡатнашыусылар колоннаһын етәкләне

Башҡортостан Башлығының матбуғат хеҙмәте

ӨФӨ, 2017 йыл, 17 июль. /«Башинформ» мәғлүмәт агентлығы/. 15 июлдә Өфөлә Башҡортостан Башлығы Рөстәм Хәмитов Экология һәм махсус һаҡланған тәбиғәт биләмәләре йылына арналған «I BIKE UFA» халыҡ-ара велосипед фестивалендә ҡатнашты. Республика етәксеһе велоуҙышта ҡатнашыусылар менән бергә Ленин исемендәге майҙандан Конгресс-холға тиклемге араны велосипедта үтте.

– Беҙ ошо майҙанға берҙәмлекте, туғанлыҡты, дуҫлыҡты күрһәтеү өсөн йыйылдыҡ, – тине төбәк башлығы. – Һәммәһен дә бөгөнгө байрам менән ҡотлайым. Күтәренке рух теләйем. Тимер аттарыбыҙ ватылмаһын һәм беҙгә уларҙы һирәгерәк ремонтларға тура килһен тигән теләктәмен.

Спорт байрамы Өфөлә етенсе тапҡыр үткәрелде. Велоуҙыштың дистанцияһы 10 саҡрым тәшкил итте.

Фестивалдә Рөстәм Хәмитов велохәрәкәттең активистары менән ҡалала велосипед инфраструктураһын үҫтереү мәсьәләләрен тикшерҙе.

– Барыһы ла ҡалаларҙа велосипед инфраструктураһын үҫтереүҙе һорай. Велосипедта йөрөү, ярышыу өсөн велосипед юлдары, урындар етмәй, – тип билдәләне Башҡортостан Башлығы. – Меңдәрсә кешенең әлегә велосипед хәрәкәте йәһәтенән инфраструктураның бөгөнгө торошо менән ҡәнәғәт булмауын күрәбеҙ. Мэрҙар вәғәҙә итә. Ошо вәғәҙәләр үтәлер тип ышанам. Өфө генә түгел, башҡа ҡалалар ҙа был йәһәттән эште әүҙемләштерергә тейеш.

Быға тиклем «I BIKE UFA» халыҡ-ара велосипед фестивале «1 000 велосипедсы көнө» спорттың велосипед төрҙәре фестивале булараҡ уҙғарыла ине. Тәүге тапҡыр ул Өфөлә 2011 йылдың майында ойошторолдо һәм Сочиҙа Олимпия уйындары башланыуға тиклем 1 000 көнгә бағышланды. Фестивалдә Өфөнән һәм яҡын-тирәләге райондарҙан 1 000 кеше ҡатнашты. 2012 йылда ҡатнашыусыларҙың һаны 2 меңгә, 2013 йылда – 3,5 меңгә, 2014 йылда – 5,5 меңгә, 2015 йылда – 8 меңгә, 2016 йылда 15 меңгә етте.

Фестиваль Рәсәйҙә ҙур ваҡиға һанала һәм республиканан ситтә киң билдәле. Унда илдең төрлө ҡалаларынан туристар һәм делегациялар ҡатнаша. Фестивалдең төп маҡсаты – Башҡортостанда мөмкин тиклем күберәк кешене сәләмәт ялға йәлеп итеү өсөн велохәрәкәтте үҫтереү. Велоуҙышта теләге булған һәр кем ҡатнаша ала.

1 из 11

#велосипед #башҡортостан башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.