Өфө спортсылары Халыҡ-ара балалар уйындарында ҡатнашыу өсөн Литваға килде

Өфө хакимиәте

ӨФӨ, 2017 йыл, 5 июль. /«Башинформ» мәғлүмәт агентлығы, Әлфиә Әғлиуллина/. 5 июлдә Литваның Каунас ҡалаһында 51-се Халыҡ-ара балалар уйындарын асыу тантанаһы була. Өфө ҡалаһы хакимиәте башлығы урынбаҫары Рөстәм Ғәзизов етәкселегендәге рәсми делегация Каунасҡа кисә килде.

Спортсылар студент ҡаласығында урынлашты. Бөгөн улар сараны асыу тантанаһында ҡатнашырға тейеш. 6 июлдә беренсе ярыштар башлана, тип хәбәр итә Өфө мэрияһының матбуғат хеҙмәте.

Быйыл республиканың баш ҡалаһы исеменән 13 спортсы өс спорт төрөндә сығыш яһай: еңел атлетика, стритбол һәм дзюдо. Уларҙан тыш, Халыҡ-ара балалар уйындарында донъяның йөҙгә яҡын ҡалаһынан мең ярым самаһы спортсы, шул иҫәптән Мексика, АҠШ, Бөйөк Британия, Швейцария, Израиль вәкилдәре ҡатнаша. Был юлы Өфө — Рәсәйҙән берҙән-бер ҡатнашыусы.

4 июлдә Өфө делегацияһы Халыҡ-ара балалар уйындары етәкселеге менән осрашты, унда 2019 йылда Башҡортостандың баш ҡалаһында Халыҡ-ара балалар уйындарын уҙғарыу буйынса ойоштороу мәсьәләләре тикшерелде.

Бөгөн Башҡортостан вәкилдәре Халыҡ-ара балалар уйындарының Генераль ассамблеяһында ҡатнаша, уның барышында алдағы дүрт йылға үҫеш стратегияһын билдәләү һәм техник комиссияларҙың идара составын раҫлау ҡаралған. Һуңынан Каунас ҡалаһы мэры менән осрашыу планлаштырылған.

Теги:халыҡ-ара балалар уйындары

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».