Вторник, 12 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Спорт

03:14 (UTC+5), 25 Мая 2017

Республика Башлығы «Өфө» футбол клубының спорт объекттарында булды

Олег Яровиков

«Башинформ»

ӨФӨ, 2017 йыл, 25 май. /«Башинформ» мәғлүмәт агентлығы/. 24 майҙа эш сәфәре барышында Башҡортостан Башлығы Рөстәм Хәмитов «Өфө» футбол клубының спорт объекттарында булды.

«Нефтсе» стадионында төбәк етәксеһе тейешле инфраструктура булдырыу буйынса эш һөҙөмтәләре менән танышты.

Уҙған миҙгел дауамында фитнес-үҙәк һәм кафе биналары үҙгәртеп ҡоролған һәм йүнәтелгән, кәрәкле ҡорамалдар һатып алынған, тип хәбәр итте «Өфө» футбол клубының генераль директоры Шамил Ғәзизов. 2017 йылдың 1 апрелендә «Нефть» фитнес-клубы асылды, унда шәхси күнекмәләр һәм төркөм программалары өсөн залдар ҡаралған, сайкл, кросс-тренинг, күнекмә залдары, массаж бүлмәһе бар.

Рөстәм Хәмитов үҙәктең төп һәм өҫтәмә бүлмәләрен ҡараны, кафела хаҡтар һәм аҙыҡ-түлектең сифаты менән ҡыҙыҡһынды.

Яңыртыуға мохтаж инфраструктура объекттары иҫәбендә – физкультура-һауыҡтырыу бинаһы. Әлеге ваҡытта унда спорт һәм тренажерҙар, атлетика гимнастикаһы залдары эшләй. Шамил Ғәзизов әйтеүенсә, хәҙер физкультура-һауыҡтырыу комплексында спорт майҙансыҡтарын яңыртыу һәм киңәйтеү хаҡында мәсьәлә ҡарала, ул бында яңы, шул иҫәптән балалар өсөн секциялар асырға, шөғөлләнергә килеүселәрҙең һанын арттырырға мөмкинлек бирәсәк.

«Өфө» футбол клубының Рәсәй Премьер-лигаһында уңышлы сығыш яһауы балалар, егеттәр һәм ҡыҙҙар араһында футбол менән шөғөлләнеүгә ҙур ҡыҙыҡһыныу уятты. 2013 йылдан клуб мәктәбендә шөғөлләнеүселәрҙең иҫәбе 350-нән 950 кешегә тиклем артты, иң бәләкәйҙәренә – ни бары дүрт йәш. Республика Башлығы футболдағы әҙерлек системаһы менән танышты, йәш спортсыларҙың күнекмәләрендә булды, улар шөғөлләнгән шарттар менән ҡыҙыҡһынды.

Рөстәм Хәмитов шулай уҡ «Өфө» футбол клубының уҡытыу-күнекмәләр базаһын ҡараны. Унда футбол буйынса Рәсәйҙә Донъя чемпионатын уҙғарыуға әҙерлек сиктәрендә яңыртыу эштәре бара. Киләһе йылда база чемпионатта ҡатнашыусы командаларҙың береһе өсөн күнекмә майҙансығына әйләнеүе мөмкин.

Әлеге ваҡытта бында FIFA талаптарына ярашлы инженер коммуникациялары һәм өҫтәмә ҡоролмалар урынлаштырыу менән футбол майҙанын төҙөү эштәре бара. Дөйөм төҙөлөш майҙаны 25,6 мең квадрат метр тәшкил итәсәк. Күнекмә майҙансығына 500 урынлыҡ трибуна менән 105×68 метр майҙанда уйын майҙансығы, сисенеү бүлмәләре, матбуғат үҙәге һәм автомобиль ҡуйыу майҙаны инәсәк. Эштәр графикка ярашлы бара, сентябрҙә объект файҙаланыуға тапшырыласаҡ, тип хәбәр итте Шамил Ғәзизов.

Бер үк ваҡытта өс ҡатлы корпус яңыртыла, бында спортсыларға йәшәү өсөн ҡунаҡхана бүлмәләре ҡаралған, шулай уҡ йәйге йорттар ремонтлана, унда балалар өсөн спорт лагеры урынлашасаҡ. Ремонт эштәре тамамланғас, кәрәкле ҡорамалдар һатып алғандан һуң лагерь сменаһына 200 баланы ҡабул итә аласаҡ. Тәүге смена быйыл июль айында уҡ килер тип күҙаллана.

1 из 10

#футбол #инфраструктура #башҡортостан башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.