Республика балалары Австрияла Халыҡ-ара ҡышҡы уйындарҙа сығыш яһай

ӨФӨ, 2017 йыл, 20 март. /«Башинформ» мәғлүмәт агентлығы, Ғәлиә Нәбиева/. Башҡортостандан һаулыҡ мөмкинлектәре сикле алты бала Австрияла абруйлы халыҡ-ара ярыштарҙа ҡатнаша. Башҡортостандан Дәүләт Думаһы депутаты Рима Баталова йәш спортсыларға уларҙың Олимпҡа ынтылышында ярҙам күрһәтте.

Дәүләт Думаһының Физик культура, спорт, туризм һәм йәштәр эштәре комитеты ағзаһы Рима Баталова Австрияла 2017 йылғы Махсус Олимпиаданың Халыҡ-ара ҡышҡы уйындарын асыу тантанаһында һәм Шладминг ҡалаһындағы Планай стадионында Атлеттар парадында ҡатнашты.

Махсус олимпиадала интеллектуаль үҫеше боҙолған кешеләр ҡатнаша. Уйындарҙа 107 илдән 2600 атлет үҙ оҫталығын күрһәтә. Ярыштар түбәндәге спорт төрҙәре буйынса ойошторола: флорбол, иҙәндә хоккей, фигуралы шыуыу, шорт-трек, тау саңғыһы, сноуборд. Рәсәй йыйылмаһы составына 22 төбәктән 119 кеше ингән.

«Донъяла күптәр Олимпия һәм Паралимпия уйындарының нимә икәнлеген белә, ә бына илебеҙҙә Махсус Олимпия уйындары хаҡында барыһы ла хәбәрҙар түгел. Был да бөтә донъялағы интеллектуаль үҫеше боҙолған кешеләрҙе туплаған, үҙҙәрен күрһәтергә мөмкинлек биргән бик мөһим ярыштар. Рәсәй командаһында Башҡортостан балаларының да булыуына бик шатмын. Уларға уңыштар һәм сағыу еңеүҙәр теләйем!» — тине Рима Баталова.

Теги:дәүләт думаһы депутаттары махсус олимпиаданың халыҡ-ара ҡышҡы уйындары

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».