Хоккей буйынса Рәсәйҙең атҡаҙанған тренеры һәм билдәле телекомментатор Сергей Ғимаев арабыҙҙан китте

hcsalavat.ru

ӨФӨ, 2017 йыл, 20 март. /«Башинформ» мәғлүмәт агентлығы, Эльмира Сабирова/. Хоккей буйынса Рәсәйҙең атҡаҙанған тренеры, күп тапҡыр СССР чемпионы Сергей Ғимаев шәмбе, 18 мартта, 63-сө йәшендә Тулала ветерандар матчы барышында вафат булды, тип хәбәр итте телекомментатор эшләгән «Матч ТВ».

Сергей Ғимаев 1955 йылдың 1 ғинуарында Брест өлкәһенең Пружаны ҡалаһында тыуған. Уның атаһы, хәрби летчик, Наил Ғимаевтың тыуған төйәге – Туймазы районының Кәкребаш ауылы. Ғәскәри хеҙмәттән бушатылғандан һуң ғаилә Өфөгә күсеп килә.

Нәҡ бында Сергей «Салауат Юлаев» хоккей клубы мәктәбендә шөғөлләнә башлай, ошонда уның үҫмер сағынан өлкәнәйгәнгә ҡәҙәр ғүмер юлы уҙа. 1974 йылда өлкән тренер Юрий Моисеев етәкселегендә СКА (Куйбышев) клубы өсөн сығыш яһай башлай.

1976/77 миҙгелдән Сергей Ғимаев Мәскәү армеецтары өсөн уйнай башлай. 1985/86 миҙгеленән һуң СКА Ленинградта хоккейсы карьераһын тамамлай. СССР чемпионаттарында бөтәһе 305 матчта уйнап, 45 гол индергән.

Карьераһын тамамлағандан һуң Мәскәү дәүләт өлкә педагогик институтында уҡып сыға, 14 йыл дауамында ЦСКА хоккей спорт мәктәбендә балалар тренеры һәм директор булып эшләй, «СССР-ҙың хоккей легендалары» ветерандар командаһында уйнай.

2000 йылдан Сергей Ғимаев «Рәсәй-1», «Рәсәй-2», «Спорт-1», «Матч ТВ» һәм «КХЛ ТВ» телеканалдарында эксперт һәм хоккей комментаторы булып эшләй.

Автор:Эльмира Сабирова

Теги:юғалтыуҙар

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».