Өфө «Ағиҙел»е – Ҡатын-ҡыҙҙар хоккей лигаһының тамамланып килгән миҙгелендә иң һөҙөмтәле команда

ӨФӨ, 2017 йыл, 13 март. /«Башинформ» мәғлүмәт агентлығы, Дмитрий Слезин/. Өфө «Ағиҙел»е Ҡатын-ҡыҙҙар хоккей лигаһында миҙгелде көмөш миҙалға тамамланы. Һуңғы уйында өфөләр 15:2 иҫәбе менән «Свердловск өлкәһе йыйылма командаһы»н еңде. Покер Екатерина Смоленцова иҫәбендә, хет-трик – Фанни Гашпаричта һәм Николь Чупковала, дубль – Анна Щукинала, берешәр шайба менән Екатерина Соловьева, Екатерина Лебедева һәм Элина Митрофанова айырылып торҙо. «Ағиҙел» чемпионатта 184 шайба индерҙе һәм иң һөҙөмтәле команда тип танылды.

Мәрәй буйынса беренсе урын – Мәскәү өлкәһенең «Торнадо» командаһында. Бронза призер – Санкт-Петербугтың «Динамо»һы.