Волга буйы федераль округының иң яҡшы тау саңғысылары баш ҡалаға йыйылды

ӨФӨ, 2017 йыл, 14 февраль. /«Башинформ» мәғлүмәт агентлығы, Эльмира Сабирова/. Бөгөн, 14 февралдә, Өфөлә тау саңғыһы спорты буйынса Волга буйы федераль округы беренселеге башлана. Башҡортостандың Спорт министрлығы хәбәр итеүенсә, сарала 2001-2002 һәм 2003-2004 йылдарҙа тыуған 200-ҙән ашыу егет һәм ҡыҙҙың ҡатнашыуы көтөлә. Ярыштар программаһында: слалом (14-15 февралдә), слалом-гигант (16-17 февралдә), комбинация (18 февралдә).

Йыл һайын уҙғарылып килгән ярыштарҙа республика спортсылары менән бер рәттән, Ырымбур, Һамар, Ульяновск, Һарытау, Силәбе өлкәләренән, Удмуртия һәм Татарстандан, шулай уҡ Пермь крайынан ҡунаҡтар ҡатнаша.

Беренселек Өфөнөң тау саңғыһы спорты буйынса Олимпия резервы спорт мәктәбендә (Менделеев урамы, 160) уҙа.