Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Спорт
2 Февраль 2017, 10:51

Рөстәм Хәмитов үтә еңел авиация буйынса донъя чемпиондары Әлфиә һәм Максим Семёновтар менән осрашты

Олег Яровиков
Олег Яровиков
ӨФӨ, 2017 йыл, 2 февраль. /«Башинформ» мәғлүмәт агентлығы/. 1 февралдә Республика йортонда Башҡортостан Башлығы Рөстәм Хәмитов Рәсәйҙең һәм Башҡортостандың үтә еңел авиация спорты буйынса йыйылма командалары ағзалары, Рәсәй һәм донъя чемпиондары Әлфиә һәм Максим Семёновтар менән осрашты.
Осрашыуҙа республиканың йәштәр сәйәсәте һәм спорт министры Андрей Иванюта һәм Башҡортостандың Үтә еңел авиация спорты федерацияһы рәйесе Сергей Миңлеғолов ҡатнашты.
Осрашыу барышында республикала үтә еңел авиация спорты перспективалары, Башҡортостанда халыҡ-ара ярыштар уҙғарыу мөмкинлектәре, «Первушин» аэродромы инфраструктураһын үҫтереү, үтә еңел самолеттарҙы, дельталёттарҙы һәм автожирҙарҙы ауыл хужалығында һәм ашығыс хеҙмәттәр ихтыяжы өсөн файҙаланыу мәсьәләләре тикшерелде.
Үтә еңел авиация спорты буйынса XXIX Рәсәй чемпионаты 2016 йылда Өфө эргәһендәге «Первушин» аэродромында ойошторолдо. Команда зачётында Башҡортостан йыйылмаһы беренсе урын алды. Дөйөм еңеүгә ирле-ҡатынлы Семёновтар ҙур өлөш индерҙе. Улар ике урынлыҡ дельталёттар класында беренсе урын яуланы.
Бөйөк Британияла уҙған XV Донъя чемпионатында 17 илдән 92 экипаж ҡатнашты. Әлфиә һәм Максим Семёновтар, шулай уҡ ике урынлыҡ дельталёттар класында беренсе урын яулап, Рәсәй йыйылма командаһы составында чемпион булды.
Республика Башлығы, спортсыларҙы ҡаҙаныштары менән ҡотлап, төбәктә ошо спорт төрөнөң яңы үҫешә башлауын билдәләне. Ул халыҡ-ара ярыштарҙан алған тәьҫораттар, уларҙы үткәреү үҙенсәлектәре менән ҡыҙыҡһынды.
Быйыл Семёновтар XIV Европа чемпионатында ҡатнашырға ниәтләй.
Читайте нас: