Биатлонсылар Екатерина Шумилова һәм Сергей Клячин Өфөлә Рәсәй кубогының бишенсе этабында спринтта еңеү яуланы

ӨФӨ, 2017 йыл, 27 ғинуар. /«Башинформ» мәғлүмәт агентлығы, Ғәлиә Нәбиева/. Өфөлә биатлон буйынса Рәсәй кубогының бишенсе этабы башланды. Ханты-Манси автономиялы округынан Екатерина Шумилова, бер түңәрәк штрафҡа ҡарамаҫтан, Виолетта Закурдаева менән Лариса Надееваны уҙып, спринтта еңеү яуланы. Ирҙәрҙә Пермь өлкәһе спортсыһы Сергей Клячинға «таҙа» атыу еңеү килтерә, Александр Бабчин һәм Алексей Корнев менән ул еңеү баҫҡысын бүлешә, тип хәбәр ителә Рәсәй биатлонсылар союзы сайтында. Спринт һөҙөмтәләре буйынса ирҙәр һәм ҡатын-ҡыҙҙар араһында эҙәрлекләү ярышы ҡаралған.

Юниорҙар ярышы призерҙары иҫәбендә – Башҡортостандан Михаил Усов, ул 10 саҡрымлыҡ спринтта өсөнсө килде.

Башҡортостанданың баш ҡалаһында 29 ғинуарға ҡәҙәр биатлон буйынса Рәсәй чемпионаты, Рәсәй беренселеге һәм Рәсәй кубогының 5-се этабы уҙа. Уларҙа 23 төбәктән 200-ҙән ашыу спортсы ҡатнаша.

27 ғинуарҙа шундай уҡ ярыш юниорҙар араһында уҙа.

28 ғинуарҙа ирҙәр һәм ҡатын-ҡыҙҙар араһында команда ярыштары үтә.

29 ғинуарҙа – юниорҙар араһында команда ярыштары.

Бөтә Рәсәй бәйгеһен уҙғарыу урыны – «Биатлон» спорт-сәләмәтләндереү комплексы.