Башҡортостан шашкасылары донъяла иң яҡшылары

Өфө, 5 ғинуар, 2017 йыл. /«Башинформ» мәғлүмәт агентлығы, Дмитрий Слезин/. Ғинуар башында сираттағы Бөтә донъя шашка федерацияһы рейтингы сыҡты. Унда юғары баҫҡыстарҙы ҡабат «Башнефть» профессиональ шашка клубынан Башҡортостан спортсылары биләй.

Асыҡ рейтингта Александр Георгиев – икенсе урында. Беренселә – Рәсәй спортсыһы Александр Шварцман, өсөнсөлә – яңы донъя чемпионы, Голландиянан Рул Бумстра.

Тәүге 100 шашкасы исемлегендә — Муродулло Амриллаев (26-сы), Айнур Шәйбәков (27-се), Владимир Мильшин (71-се).

Ҡатын-ҡыҙҙар араһында Халыҡ-ара мастер Тамара Танһыҡҡужина – 119-сы, Айгөл Иҙрисова – 140-сы баҫҡыста. Ике Өфө ҡыҙы – «Йөҙ шаҡмаҡлы шашка буйынса иң яҡшы спортсы» номинацияһында Рәсәй Шашка федерацияһы премияһы финалсылары – ҡатын-ҡыҙҙар рейтингында иң яҡшылар иҫәбендә. Күп тапҡыр донъя чемпионы Тамара Танһыҡҡужина – икенсе, ә блиц буйынса ике тапҡыр чемпион Айгөл Иҙрисова – өсөнсө. Айгөл яңы йылда өслөккә тәү тапҡыр инә. Рейтингты Латвиянан легендар Зоя Голубева етәкләй.

Иң яҡшы йөҙ шашкасы иҫәбендә: Елена Мильшина — 24-се, Гүзәл Георгиева — 39-сы, Әлиә Әминова — 44-сы (+16 урын), Регина Айүпова — 60-сы, Кристина Осипова — 64-се (+27 урын), Руфина Айүпова — 72-се, Агата Парахина — 94-се. Ишембай ҡыҙы, хәҙер Риганыҡы Олеся Абдуллина — 30-сы.

Юниорҙар араһындағы рейтингта; 26 йәшкә тиклем Айнур Шәйбәков – бишенсе, Айгөл Иҙрисова – 11-се; 20 йәшкә тиклем Марсель Шәрәфутдинов – алтынсы; 17 йәшкә тиклем – өсөнсө Даниил Ильин, 14 йәшкә тиклемгеләрҙә икенсе булып Тамерлан Әхмәров килә. Бөтә юниорҙар ҙа Өфөнөң 23-сө спорт шахмат-шашка мәктәбенән.