79.15
0
Башҡортостан һәм Өфө яңылыҡтары
91.84
0
62.51
+0.52
-25 °C
Болотло
Бөтә яңылыҡтар
Спорт
25 Май 2016, 10:27
Рөстәм Хәмитов «Өфө» футбол клубы уйынсылары һәм тренерҙары менән осрашты
Олег Яровиков
ӨФӨ, 2016 йыл, 25 май. /«Башинформ» мәғлүмәт агентлығы, Александр Смирнов/. 24 майҙа Өфөләге «Нефтсе» стадионында Башҡортостан Башлығы Рөстәм Хәмитов «Өфө» футбол клубы уйынсылары һәм тренерҙар штабы менән осрашты. Үткән аҙнала улар миҙгелде уңышлы тамамланы һәм Рәсәй Премьер-лигаһында урындарын һаҡлап ҡалды.
Республика етәксеһе футболсыларға яҡшы уйнағандары өсөн рәхмәт белдерҙе һәм клубтың ҡеүәте ҙур булыуын билдәләне.
– Аңлашыла, барыһына ла эшләргә, хаталарҙы, етешһеҙлектәрҙе тикшерергә кәрәк. Әммә ҡеүәт бар. Мин уны команда рухында күрәм, – тине Рөстәм Хәмитов. – Команда рухы миҙгелде уңышлы тамамлауға булышлыҡ итте. Уны 2016-2017 йылдар миҙгелендә лә һаҡларһығыҙ тип ышанам. Әммә яңы ҡаҙаныштарға өлгәшеү бурысы шул килеш ҡала.
Әлеге ваҡытта клубтың киләһе миҙгелгә бюджеты өҫтөндә эш алып барыла, тип хәбәр итте төбәк Башлығы.
– Республика клубҡа төрлө яҡлап ярҙам күрһәтеүен дауам итәсәк. Хәҙер клубтың 2016-2017 йылдар миҙгеленә бюджеты өҫтөндә эшләйбеҙ. Ул лайыҡлы булыр тип ышанам, сөнки һеҙ республиканың, ҡаланың мәнфәғәттәрен яҡлайһығыҙ, – тип билдәләне Рөстәм Хәмитов. – Беҙ бюджетты арттырыу өҫтөндә эшләйәсәкбеҙ тип аныҡ әйтә алам. Иң мөһиме – команда рухы, үҙ өҫтөңдә эшләү, республика, Өфө өсөн яуаплылыҡ тойғоһо.
Башҡортостан Башлығы һүҙҙәренсә, өфөләр ҙур тәжрибә туплаған, хәҙер иһә яҡшы һөҙөмтәгә өлгәшергә кәрәк.
«Өфө» клубы 2010 йылдың 23 декабрендә «Башинформсвязь — Динамо» командаһы базаһында булдырылған. 2012 йылдан ул Милли футбол лигаһында сығыш яһай башланы. Милли футбол лигаһы беренселегенең 2013/2014 йылдар миҙгеле йомғаҡтары буйынса баш ҡала клубы дүртенсе урын алды һәм Премьер-лигала урын яуланы.
2015/2016 йылдар миҙгелендә команда турнир таблицаһында 12-се урынды биләне һәм Премьер-лигала сығыш яһау хоҡуғын һаҡлап ҡалды. Өфөләр 30 уйын үткәрҙе, алты еңеү яуланы, 15 тапҡыр еңелде һәм туғыҙ уйын тигеҙ иҫәп менән тамамланды.
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».