Рөстәм Хәмитов Халыҡ-ара балалар уйындары комитеты президенты Торстен Раш менән осрашты

Олег Яровиков

IMPORT Сервисный

ӨФӨ, 2016 йыл, 5 май. /«Башинформ» мәғлүмәт агентлығы, Александр Смирнов/. 5 майҙа Республика йортонда Башҡортостан Башлығы Рөстәм Хәмитов Халыҡ-ара балалар уйындары комитеты президенты Торстен Раш менән осрашты. Өфөнөң 2019 йылда Йәйге Халыҡ-ара балалар уйындарын үткәреүгә кандидат булараҡ әҙерлеге тикшерелде.

– Халыҡ-ара балалар уйындары беҙгә абруй йәки PR-кампания өсөн түгел, ә йәш быуынды спортҡа, сәләмәт йәшәү рәүешенә йәлеп итеү өсөн кәрәк. Бынан сығып, беҙ 2019 йылда Өфөлә Халыҡ-ара балалар уйындарын уҙғарыу мөмкинлеген ҡарайбыҙ, – тине Рөстәм Хәмитов.

2013 йылда Башҡортостандың баш ҡалаһында үткән VI Ҡышҡы Халыҡ-ара балалар уйындарын ҡала юғары кимәлдә ойошторҙо, тип билдәләне Торстен Раш.

– Бөгөн Халыҡ-ара балалар уйындарын ҡабул итергә әҙер ҡаланы табыуы еңел түгел, сөнки унда ҡатнашыусылар ике тапҡырға күберәк, финанс йәһәтенән дә ҙур һорауҙар бар. Өфө кеүек ышаныслы партнерҙарыбыҙ булыуына бик шатбыҙ, – тип һыҙыҡ өҫтөнә алды Торстен Раш. – Һеҙҙең базағыҙ ныҡлы, ошо уйындарҙы үткәреүгә әҙер булыуығыҙға ышанам.

Осрашыуҙа шулай уҡ комитеттың генераль секретары Ричард Смит ҡатнашты. Торстен Раш менән бергә улар Өфөлә ярыштарҙы уҙғарыу өсөн йәлеп итергә мөмкин булған спорт һәм инфраструктура объекттарын ҡарай.

2016 йылдың июлендә Нью-Тайбэй ҡалаһында (Тайвань) 50-се Йәйге Халыҡ-ара балалар уйындары сиктәрендә 2019 йылда 53-сө Йәйге Халыҡ-ара балалар уйындарын уҙғарыуға кандидат булараҡ Өфө менән таныштырыу сараһы үтә.

Унан алдараҡ Башҡортостандың баш ҡалаһы VI Ҡышҡы Халыҡ-ара балалар уйындарын ҡабул иткәйне. Ярыштарҙа 20 илдең 60 ҡалаһынан йыйылма командалар ҡатнашты. Спортсылар ете спорт төрө: тау саңғыһы, хоккей, фигуралы шыуыу, шорт-трек, сноубординг, спорт ориентиры һәм саңғы уҙышы буйынса 170-кә яҡын миҙал уйнатты. Ярыш һөҙөмтәләре буйынса Өфө командаһы 16 миҙал яуланы һәм беренсе урынға лайыҡ булды.

1 из 3

#халыҡ-ара балалар уйындары #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.