Башҡортостанда Евразия Workout Фестивале уҙғарыла

Олег Яровиков

IMPORT Сервисный

ӨФӨ, 2016 йыл, 20 февраль. /«Башинформ» мәғлүмәт агентлығы, Александр Смирнов/. 2016 йылда Башҡортостанда Евразия Workout Фестивален уҙғарыу планлаштырыла. Ошо хаҡта Башҡортостан Башлығы Рөстәм Хәмитовҡа граждандарҙы ҡабул итеү барышында Рәсәй Фәндәр академияһы Өфө ғилми үҙәге аспиранты Алмаз Ғатауллин хәбәр итте.

Ул республика етәксеһенә «Workout Башкортостан» йәштәр спорт хәрәкәтенә фестивалде үткәреүҙә ярҙам күрһәтеү үтенесе менән мөрәжәғәт итте. Сәләмәт йәшәү рәүешен популярлаштырыуға йүнәлтелгән хәрәкәт 2012 йылда үҙ эшен башлай. Һуңғы өс йылда республикала 10 спорт майҙансығы төҙөлгән, 30 сара ойошторолған.

Евразия Workout Фестивален уҙғарыу өсөн аҡсаны фандрайзинг ярҙамында йыйырға ниәтләйҙәр. Ярыштарҙың программаһы урамдағы спорт майҙансыҡтарында күнекмә яһауҙы күҙ уңында тота. Май айынан республика ҡала һәм райондарында һайлап алыу турҙары ойошторола, Рәсәй, Ҡаҙағстан, Белоруссия, Украина төбәктәренән 15 спортсы ҡатнашлығындағы финал сентябрҙә Өфөлә үтә. Бында ҡулға таянып кәүҙәне күтәреү буйынса Рәсәй рекордын ҡуйырға ниәтләйҙәр.

– Рекордтар – үҙмаҡсат түгел. Иң мөһиме, ошо спорт төрө менән шөғөлләнһендәр, – тине Рөстәм Хәмитов. – Уны барыһы ла эшләй ала.

Республика етәксеһе бер спорт майҙансығының хаҡы менән ҡыҙыҡһынды. Ул 150-200 мең һумға төшә, тип хәбәр итте Алмаз Ғатауллин.

Рөстәм Хәмитов әүҙем ағзаларҙың идеяһын хупланы һәм Башҡортостан Хөкүмәте Премьер-министры Рөстәм Мәрҙәновҡа вице-премьер Марат Мәһәҙиев менән бергә хәрәкәткә ярҙам күрһәтеү мәсьәләһен тикшерергә ҡушты.

#workout #бр башлығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.