Рөстәм Хәмитов «Өфө» футбол клубы уйынсыларын һәм етәкселеген миҙгелде уңышлы тамамлауҙары менән ҡотланы

«Өфө» футбол клубының матбуғат хеҙмәте

IMPORT Сервисный

ӨФӨ, 2015 йыл, 1 июнь. /«Башинформ» мәғлүмәт агентлығы, Илья Спиридонов/. 30 майҙа Башҡортостан Башлығы Рөстәм Хәмитов «Өфө» футбол клубының баш тренеры Игорь Колыванов менән телефон аша һөйләште һәм спортсыларҙы миҙгелде уңышлы тамамлауҙары менән ҡотланы.

– Был миҙгел бик ауыр булды. Премьер-лигаға сығыу – бер эш, ә лайыҡлы уйнау һәм яуланған кимәлде һаҡлау – бөтөнләй икенсе. Киләсәктә яҡшы һөҙөмтә күрһәтерһегеҙ тип ышанам, – тине Рөстәм Хәмитов һәм яҡын арала команда менән осрашырға ниәтләнеүе хаҡында хәбәр итте.

Игорь Колыванов, үҙ сиратында, клубҡа ярҙам иткәне өсөн республика Башлығына рәхмәт белдерҙе.

– Был Башҡортостан клубының ғына түгел, һеҙҙең дә ҙур еңеүегеҙ. Сөнки һеҙ республикала футболды үҫтерә башланығыҙ, беҙ иһә өмөттәрегеҙҙе аҡлау өсөн барыһын да эшләнек, – тип билдәләне тренер. – Киләһе миҙгелдә яңы стадионда уйнаясаҡбыҙ, көйәрмәндәребеҙгә яҡыныраҡ буласаҡбыҙ. Улар беҙгә яҡшы һөҙөмтәләргә ирешергә ярҙам итәсәк.

Иҫегеҙгә төшөрәбеҙ, 30 майҙа Саранскиҙа «Өфө» менән «Рубин» командалары араһында уйын 1:1 иҫәбе менән тамамланды. Өфө футболсыһы Дмитрий Стоцкий 33-сө минутта гол индерҙе. Һөҙөмтәлә «Өфө» футбол клубы турнир таблицаһында 12-се урынды биләне. Команда 2015/2016 йылдар миҙгелендә Премьер-лигала сығыш яһау хоҡуғын һаҡлап ҡалды. Ағымдағы йылдың август айынан спортсылар уйындарҙы үҙ майҙанында – яңыртылған «Нефтсе» стадионында уҙғарасаҡ.

#футбол #«өфө» футбол клубы #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.