Четверг, 16 Июля 2026
|
Уфа
+15 °С
ГлавноеИҡтисадЙәмғиәтМәҙәниәтБарыһы ла Еңеү өсөнСәйәсәтСпортХәл-ваҡиғалар
|Последние новости
06:51 (UTC+5), 26 Мая 2014

Төбәк етәксеһе «Өфө» футбол клубы спортсылары һәм етәкселеге менән осрашты

"Башинформ"
Шәмбе, 24 майҙа Өфөлә, Милли футбол лигаһы һәм Премьер-лиганың үҙ-ара бәйләнеше тарихында иң сағыу күренештәрҙең береһе булған (Томскиҙың «Томь» командаһын 5:1 иҫәбе менән еңеү), «Динамо» стадионында Башҡортостан Республикаһы Президенты Рөстәм Хәмитов «Өфө» футбол клубы спортсылары һәм етәкселеге менән осрашты.
Башҡортостан Башлығы тағы ла бер тапҡыр геройҙарҙы Рәсәйҙең юғары эшелонына – Премьер-лигаға сығыуҙары менән ҡотланы.
- Яҡшы спорт ҡаҙанышы менән ҡотлайым, — тине Рөстәм Зәки улы. – Дөрөҫөн әйткәндә, был барыһы өсөн дә көтөлмәгән хәл. Әммә бөтәбеҙ ҙә борсолдоҡ. Барлыҡ республика, барлыҡ футбол көйәрмәндәре, һис шикһеҙ, бик ҡәнәғәт, беҙҙең Башҡортостан, Өфө командаһының Премьер-лигаға сығыуына бик шатбыҙ. Әммә был тик ярты эш, хәҙер ғөмүмән башҡа кимәл. Бер яҡтан ҡыуаныс, ә икенсенән – хәҙер бөтәбеҙгә лә ныҡлы эшләргә кәрәк буласаҡ! – тип билдәләне республика Президенты.
Рөстәм Хәмитов командаға бөтә мәсьәләләрҙә ярҙам итәсәген вәғәҙәләне һәм тик берҙәм коллектив менән тағы ла ҙурыраҡ һөҙөмтәгә өлгәшеп булыуын билдәләне:
- Беҙҙең республика көсһөҙ түгел, уның мөмкинлектәре бар. Хәҙер барыһын да нисек тиҙерәк эшләү юлын ҡараясаҡбыҙ. Футбол беҙгә шулай уҡ башҡа спорт төрҙәре кеүек кәрәк, — тип билдәләне Президент, тамамланған миҙгелдә Башҡортостан спортсыларының олимпия һәм паралимпияла, хоккей һәм волейболда ҡаҙаныштарын һанап.
- Рөстәм Зәки улы, тағы ла бер ҡабат Һеҙҙең йылы мөнәсәбетегеҙҙә рәхмәт әйтеп үтергә рөхсәт итегеҙ, — тине яуап итеп «Өфө» футбол клубының баш тренеры Игорь Колыванов. – Беҙ (Сеул-88 олимпия чемпионы Виктор Лосев менән) бында ике йыл элек килдек һәм ошондай һөҙөмтәне үҙебеҙ ҙә көтмәнек. Бөртөкләп команда йыйҙыҡ һәм уңышҡа өлгәштек. Республика бының менән моғайын ғорурланалыр, — тип билдәләне баш тренер.
Команда исеменән биш гол индергән футболсылар, капитан һәм «Өфөнөң» яң яҡшы бомбардиры Дмитрий Голубов, шулай уҡ баш тренер Игорь Колыванов БР Президенты Рөстәм Хәмитовҡа үҙҙәренең ҡултамғалары менән футболка һәм бөтә коллектив портреты менән сағыу футбол тубын бүләк иттеләр.
1 из 20
© 1992-2026 АО ИА «Башинформ».
www.bashinform.ru
Рубрикалар
Йәмғиәт
Спорт
Иҡтисад
Хәл-ваҡиғалар
Мәҙәниәт
Мәғариф
Рубрикалар
Лонгрид
Сәйәсәт
Барыһы ла Еңеү өсөн
Үҙебеҙҙекеләрҙе ташламайбыҙ
Медицина
Форматтар
Яңылыҡтар
Мәҡәләләр
Адрес
450077, Өфө, Киров урамы, 45 (347) 250-05-07
Рекламная служба
(347) 250-11-11 adv@bashinform.ru
Редакция
(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән. 


Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.  

18+ 

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.

Яндекс.Метрика