Сочиҙа XXII Ҡышҡы Олимпия уйындары йомғаҡтары: шорт-трексылар Семен Елистратов һәм Руслан Захаров «алтын» менән

Олимпия фотобанкы

Дмитрий Слезин

Сочиҙа XXII Ҡышҡы Олимпия уйындары тамамланды. Рәсәй йыйылмаһы дөйөм команда зачетында еңде. Рәсәйлеләрҙең иҫәбендә 33 миҙал – 13 алтын, 11 көмөш һәм 9 бронза. Улар Норвегияны – 26 (11-5-10) һәм Канаданы – 25 (10-10-5) уҙа.

Рәсәй йыйылмаһы составында Сочиға Башҡортостандан 14 спортсы барҙы.

Өфөнән шорт-трексылар Семен Елистратов һәм Руслан Захаров ҡына миҙал яулай алды. Улар ярыштың һуңғы көнөндә 5000 метрлыҡ дистанция эстафетаһында алтынлы булды. Семен һәм Руслан менән бергә «алтын»ды Виктор Ан һәм Владимир Григорьев алды. Тағы ла Өфөнән бер шорт-трексы Дмитрий Мигунов, запаста ҡалып, боҙға сыҡманы.

Башҡортостандың ҡалған олимпсылары киләһе һөҙөмтәләргә эйә.

Трамплиндан саңғыла һикереүселәр:

Дмитрий Васильев – К-125 трамлинында 26-сы урын, команда ярышында 9-сы урын; ҙур Сочи трамплинының рекорды – 144,5 метр;

Илмир Хазетдинов - К-95 трамплинында 35-се урын, К-125-тә 29-сы урын, команда ярышында 9-сы урын;

икебәйгесе Эрнест Яхин – команда ярышында 9-сы урын;

бобслейсы Илвир Хузин (Александр Касьяновтың боб-дүртлеге) – АҠШ-ның «бронза» экипажына 0,03 секундҡа ҡалышып 4-се урында;

Антон Копривица сноуборд-кросс буйынса, үҙенең бәйгеһендә 5-се урын биләп, квалификациянан үтмәй;

Рәсәй йыйылмаһы хоккейсылары (Өфө «Ағиҙеленән») – Ангелина Гончаренко, Инна Дюбанок, Алена Хомич, Анна Шибанова, Елена Дергачева, Екатерина Пашкевич – олимпия ярышында алтынсы урынды биләй.

Билдәләп үтергә кәрәк, сығышы менән Межгорье ҡалаһынан, Башҡортостан спорты тәрбиәләнеүсеһе биатлонсы Ольга Вилухина, Новосибирк өсөн сығыш яһап, спринтта, шулай уҡ 6-шар километр 4 ҡатын-ҡыҙҙар эстафетаһында «көмөш» яуланы.

Өфөнөң «Салауат Юлаев» һөжүм итеүсеһе Антти Пильстрем Финляндия составында Уйындар-2014-тә бронза призеры булды. Команда АҠШ көрәштәштәрен 5:0 иҫәбе менән еңде.

#олимпия уйындары-2014 #йомғаҡтар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.