Өфөлә Сочи-2014 олимпия миҙалдарын күрһәттеләр

Дмитрий Слезин

Ошо көндәрҙә «Уфа-Арена» спорт комплексында 2014 йылда Сочиҙа ҡышҡы Олимпия уйындары миҙалдарының презентацияһы үтте. Сарала олимпия призеры Алексей Селиверстов һәм паралимпия чемпионы Рима Баталова ҡатнашты. Ҡәҙимге миҙалдар алдағыларҙан ауырыраҡ (ауырлығы буйынса) һәм үҙенсәлекле (һүрәте буйынса).

«Сочи 2014» миҙалдары сағыу, үҙенсәлекле дизайнда эшләнгән һәм Рәсәй тарихында беренсе ҡышҡы Олимпия уйындарының берҙәм стилистикаһын: ҡояштың алтын нурҙары ҡарлы тау баштары призмаһы аша сағылыуын, йылы диңгеҙ менән һыуыҡ боҙҙоң күршеләшеүен – дауам итә.

Гравировка ярҙамында наградаларға фирмалы «ҡорама юрған»ы һалынған – 2014 йыл Уйындары образы, Рәсәй халыҡтарының күп яҡлы мәҙәни традицияларын символлаштыра. Металдың һәм поликарбонаттың ғәҙәти булмаған бәйләнеше изделиеларға еңеллек һәм үҙенсәлекле матурлыҡ бирә. Миҙалдың алғы яғында Олимпия түңәрәктәре һынландырылған. Артҡы яғында – инглиз телендә ярыш төрөнөң исеме һәм «Сочи 2014» уйындарының эмблемаһы. Уйындарҙың рәсми атамаһы рус, инглиз һәм француз телдәрендә награданың ҡырында урынлаштырылған.

Иҫегеҙгә төшөрәбеҙ, РФ Хөкүмәте Премьер-министры Дмитрий Медведев Сочиҙағы Олимпия уйындарында Рәсәй спортсыларына беренсе, икенсе һәм өсөнсө урындарға: 4 миллион һум – алтын миҙал өсөн; 2,5 миллион һум – көмөш өсөн; 1,7 миллион һум – бронза өсөн - приз суммаһы тураһында яҙылған ҡарарға ҡул ҡуйҙы.

Рәсәйҙә беренсе ҡышҡы Олимпиаданың стартына тиклем ике ай самаһы ваҡыт ҡалды – уйындар 2014 йылдың 7-23 февралендә үтәсәк.

#сочи-2014 олимпиада #миҙалдар презентацияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.