Башҡортостанда быйыл 34 мең атай балалар пособиеһы алған

Атайҙар көнө алдынан Социаль фондтың республика буйынса бүлексәһе төбәктә балалар пособиеһы алған ир-егеттәр һанын атаны. Дөйөм алғанда, быйыл бындай түләүҙе 34800-ҙән ашыу ир-егет түләү алған.

Ир-егеттәр алырға мөмкин:

• Берҙәм файҙа. Быйыл был пособиены 1924 атай юллаған. Башҡортостанда уның күләме бер балаға 16 350 һум тәшкил итә.
• Ғаилә түләүе. Был - ике һәм унан күберәк бала тәрибәләгән ата-әсәләр өсөн булдырылған яңы ярҙам сараһы. 1 июндән был түләүҙе 20 меңгә яҡын атай (19 431 кеше) алған. Пособие уларға килем һалымының бер өлөшөн ҡайтарырға мөмкинлек бирә.
• 1,5 йәшкә тиклем балаларҙы ҡарау буйынса пособие. Уны 10469 эшләп йөрөгән ир алған. Был иң популяр ярҙам сараһы, сөнки атайҙар эш хаҡының 40 процентын алырға һәм тулы булмаған эш көнөнә сығырға мөмкин — түләүҙәр килеүҙән туҡтамаясаҡ. Эшләмәгән атайҙар минималь түләү - 12 270 һум ала.
• Тыуғанда бер тапҡыр бирелә торған түләү. Был стандарт ярҙам сараһын йыл башынан 2961 атай алған. Башҡортостанда уны күләме - 33 мең һум.

Социаль фондта был түләүҙәргә һәр ата-әсәнең дәғүә итә алыуын иҫкәрттеләр. Һорауҙар буйынса берҙәм бәйләнеш үҙәгенә 8-800-100-00-01 телефонына шылтыратырға итергә мөмкин.

Быға тиклем 2027 йылдан Социаль фондта донорҙар өсөн пособие булдырыласағы хаҡында хәбәр иткәйнек.