Башҡортостандың балалар баҡсаһы тәрбиәсеһе атҡаҙанған мәғариф хеҙмәткәре исеменә лайыҡ булды
Хөкүмәттең оператив кәңәшмәһендә Башҡортостан Башлығы Хәйбулла районы Аҡъяр ауылының 3-сө «Шатлыҡ» балалар баҡсаһы тәрбиәсеһе Альбина Шәрипованы бүләкләне.
7 сентябрҙән 11-нә тиклем Липецк ҡалаһында V «Иң яҡшы туған тел һәм туған әҙәбиәт уҡытыусыһы» Бөтә Рәсәй һөнәри оҫталыҡ конкурсы үтте. Иң яҡшылар исеменә Рәсәйҙең 87 төбәгенән 85 уҡытыусы һәм 46 тәрбиәсе (бөтәһе 131 кеше) көс һынашты.
Башҡортостандан конкурста ике педагог: Өфө ҡалаһының Анатолий Хохлов исемендәге 10-сы Белем биреү үҙәгенең башҡорт теле һәм әҙәбиәте уҡытыусыһы Ләйсән Хәсәнова һәм Хәйбулла районынан тәрбиәсе Альбина Шәрипова ҡатнашты.
Конкурсты ябыу тантанаһында Рәсәйҙең мәғариф министры Сергей Кравцов һәм Рособрнадзор етәксеһе Анзор Музаев еңеүселәрҙең исемдәрен иғлан итте. Альбина Шәрипова мәктәпкәсә белем биреү ойошмалары уҡытыусылары араһында иң яҡшыһы тип танылды.
Альбина Илдус ҡыҙының күп йыллыҡ хеҙмәте һәм оҫталығы республика кимәлендә билдәләнде.
«Хеҙмәтемде юғары баһалаған өсөн рәхмәт. Минең өсөн республикабыҙҙы Рәсәй кимәлендә күрһәтеү оло мәртәбә булды. Туған телде үҫтереүҙең иң яҡшы тәжрибәләрен күрһәтә һәм лайыҡлы сығыш яһай алғанмындыр тип уйлайым, – тине тәрбиәсе бүләкләү тантанаһында. – Радий Фәрит улы, Башҡортостан педагогтары исеменән мәктәпкәсә белем биреү ойошмаларында туған телдәрҙе өйрәнеү мөмкинлеге өсөн рәхмәт белдерергә рөхсәт итегеҙ. Был бик мөһим».
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.