2027 йылға республикала зубрҙарҙы ишәйтеү планлаштырыла
10 сентябрҙә Башҡортостан Башлығы Радий Хәбиров Күгәрсен районына эш сәфәре барышында «Мораҙым тарлауығы» тәбиғәт паркында зубрҙарҙың вольер хужалығын ҡараны. Был Көньяҡ Уралда зубр популяцияһын тергеҙеү буйынса уникаль проект һанала.
Башҡортостан зубры популяцияһын тергеҙеү 2023 йылдың ғинуарында башланды. Белоруссияға сәфәре ваҡытында Радий Хәбиров республикаға зубрҙар алып ҡайтырға һәм популяцияны тергеҙеү эшен башларға тәҡдим итте. Минскиҙа был идея хуплау тапты.
Башҡортостанда ойошторолған эшсе төркөмгә экология министрлығы, Россельхознадзор, ветеринария, Фәндәр академияһы вәкилдәре инде. Республика ғалимдары Беловеж урманында булып ҡайтты, коллегалары менән һөйләшеүҙәр алып барҙы һәм төбәктә мал үрсетеүгә ҡаршылыҡтар юҡ тигән һығымтаға килде. 2023 йылдың февраль аҙағында Рәсәйҙең Тәбиғәт министрлығы зубрҙарҙы алып ҡайтыуҙы хупланы. 2023 йылдың 26 майында Башҡортостанға тәүге тапҡыр туғыҙ, ә декабрҙә тағы ла шунса зубр килтерелде.
БР тәбиғәттән файҙаланыу һәм экология министры Нияз Фазылов һөйләүенсә, беҙҙең климат, бай мал аҙығы базаһы һәм белгестәр хәстәрлеге һөҙөмтәһендә малдар ишәйә: яңыраҡ тағы ике быҙау тыуған. Хәҙер Рәсәйҙә берҙән-бер ирекле вольерҙа 33 зубр бар.
2027 йылда Президент тәбиғәт фонды гранты сиктәрендә Беловеж урманынан тағы ла 9 зубр сығарырға планлаштыралар, тип билдәләне республика етәксеһе.
«Беҙ был проектты шикләнеп кенә башланыҡ. Уның маҡсаты – Башҡортостанда тәбиғәт шарттарында үрсегән зубрҙарҙы һәм биологик төрлөлөктө арттырыу. Ныҡлы мал аҙығы базаһы, климат шарттары, уларға һөжүм итерҙәй йыртҡыстарҙың булмауы – үрсеү өсөн иң уңайлы шарттар. Башҡортостанда ете быҙауҙың тыуыуы проекттың яҡшы башланыуын күрһәтә. Грант буйынса Белоруссиянан беловеж тоҡомло тағы туғыҙ зубр һатып алырға йыйынабыҙ.
Проект беҙҙең өмөттәрҙе аҡланы. Фәнни проект туристар өсөн дә ҡыҙыҡлы булып сыҡты. Мин ғаиләм менән килгәйнем. Күҙәтергә уңайлы булһын өсөн вышка эшләгәндәр. Вольерҙа тотолған зубрҙар кешеләрҙән ҡурҡмай. Һәр яҡлап ҡыҙыҡлы проект», – тип билдәләне Радий Хәбиров журналистар менән аралашҡанда.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.