Асҡын районында һыу баҫыуға бәйле яңы мәғлүмәттәр билдәле булды
Асҡын районында һыу баҫыуға бәйле хәл даими контролдә тотола, тип билдәләнеләр Ғәҙәттән тыш хәлдәр министрлығының Башҡортостан буйынса баш идаралығында.
Сарыс йылғаһының ташыуы һөҙөмтәһендә райондың өс ауылында 102 йорт яны биләмәһен һыу баҫҡан.
Мәҫәлән, Үршиҙе ауылында – 31, Сурашта 22 йорт яны биләмәһе һыу аҫтында ҡала. Был ауылдарҙа һыу кимәле түбәнәйә.
Әлеге ваҡытта Солтанбәктә 44 йорт яны биләмәһе һыу ҡамауында тороп ҡалған. Ҡамашиҙе ауылында биш йорт яны биләмәһен һыу баҫҡан. Уларҙа даими йәшәүселәр юҡ.
Ғәҙәттән тыш хәлдәрҙе иҫкәртеү һәм бөтөрөү буйынса берҙәм дәүләт системаһының Башҡортостан территориаль ярҙамсы системаһының Асҡын звеноһында «Ғәҙәттән тыш хәл» режимы индерелгән.
«Ауылдарҙа һыу кимәлен күҙәтеү өсөн ваҡытлыса постар ҡуйылған. Һыу баҫыу ихтималлығы булған урындарҙа йәшәгән халыҡты алдан иҫкәртеү һөҙөмтәһендә 162 кешенең 152-һе һыу ташҡансы үҙаллы эвакуацияланған», — тип билдәләне ҡотҡарыусылар.
Урындағы халыҡҡа адреслы ярҙам күрһәтелә: һыу һәм аҙыҡ-түлек килтереү ойошторолған. Ваҡытлыса урынлаштырыу пункттары әҙер.
«Гидрологик хәл контролдә тотола, шул иҫәптән Рәсәй Ғәҙәттән тыш хәлдәр министрлығының пилотһыҙ осоу аппараттары ҡулланыла. Һыу баҫҡан биләмәләрҙә электр тәьминәте өҙөлгән», — тип белдерҙеләр Ғәҙәттән тыш хәлдәр министрлығының Башҡортостан буйынса баш идаралығының матбуғат хеҙмәтендә.
Хәҙер Асҡын районында 40 кеше эшләй, 17 берәмек техника һәм биш йөҙөү сараһы йәлеп ителгән. Эштәрҙә Рәсәй Ғәҙәттән тыш хәлдәр министрлығының Өфө эҙләү-ҡотҡарыу отряды, Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары, пилотһыҙ авиация системалары белгестәре, шулай уҡ үҙ кәмәләре менән ирекмәндәр ҡатнаша.
Рәсәй Ғәҙәттән тыш хәлдәр министрлығының Башҡортостан буйынса баш идаралығында тәүлек әйләнәһенә оператив штаб эшләй.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.