Башҡортостан вице-премьеры Өфө проектын тәнҡитләне
Башҡортостан вице-премьеры Урал Килсенбаев Өфөлә плакаттарҙағы тупаҫ хаталарҙы тиҙ арала төҙәтергә ҡушты.
Башҡортостан премьер-министрының беренсе урынбаҫары Урал Килсенбаев социаль селтәрҙә Өфөләге яңы проектҡа ҡарата фекерен белдерҙе. Хәбәр итеүебеҙсә, бер нисә көн элек ҡала урамдарында электр самокатында йөрөү ҡағиҙәләрен ҡуйып сыҡҡайнылар. Баҡһаң, башҡорт телендәге яҙмалар тупаҫ орфографик и грамматик хаталар менән эленгән булған.
«Идея бик һәйбәт һәм ваҡытлы, әммә уны урын-еренә еткереп эшләмәгәндәр, — тип белдерҙе беренсе вице-премьер. — Был хата ғына түгел, ә республиканың төп дәүләт теленә ҡарата бик тупаҫ мөнәсәбәт. Бынан ары башҡорт телендәге барлыҡ текстарҙы ла белгестәргә тикшереүгә биреүҙе һорайым».
Килсенбаев Өфөлә баш ҡала хакимиәте ҡарамағында эшләгән «Башҡортостан Республикаһы дәүләт телдәре тураһында»ғы законды тормошҡа ашырыу буйынса комиссияға мөрәжәғәт итергә саҡырҙы. Бынан тыш, республикала эшләп килгән БР хөкүмәте ҡарамағындағы Терминология һәм Топонимия хеҙмәттәре ярҙам итергә әҙер булыуын, «Баштәржемә» ресурсы барлығын иҫкә төшөрҙө.
«Ошо мөмкинлектәр менән файҙаланығыҙ. Туған телгә килгәндә, ҡаланы биҙәүҙә хаталар булмаҫҡа тейеш», — тине Урал Килсенбаев.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.