Республикала VII «Айыҡ ауыл» конкурсының еңеүселәре бүләкләнде
Башҡортостан хөкүмәтенең оператив кәңәшмәһендә VII «Айыҡ ауыл» республика конкурсы финалсылары иғлан ителде. Республика Башлығы Радий Хәбиров еңеүселәрҙе аҡсалата сертификаттар һәм дипломдар менән бүләкләне.
Мәҫәлән, «Бәләкәй тораҡ пункттар» номинацияһында өсөнсө урынды Тәтешле районының Бәләкәй Бәлзүгә ауылы алды, икенсе урында – Борай районының Яңы Йәлдәк ауылы, беренсе урында – Асҡын районының Гөмбә ауылы.
«Уртаса тораҡ пункттар» номинацияһында өсөнсө урынға – Бүздәк районының Ҡаран ауылы, икенсе урынға – Ауырғазы районының Кәкүш ауылы, беренсе урынға Ауырғазы районының Татар Нуғаҙаҡ ауылы лайыҡ булды.
«Ҙур тораҡ пункттар» номинацияһында өсөнсө урынды Кушнаренко районының Ҡалтай ауылы яуланы, икенсе урында – Краснокама районының Яңы Бөртөк ауылы, беренсе урынға Ейәнсура районының Өмбәт ауылы сыҡты.
«Эре тораҡ пункттар» номинацияһында өсөнсө урынды Баймаҡ районының Мерәҫ ауылы алды, икенсе урын – Өфө районының Николаевка ауылы, беренсе урын – Дүртөйлө районының Иҫке Байыш ауылы.
«Был конкурстың һөҙөмтәһе беҙ көткәндән күпкә яҡшыраҡ. Кешеләрҙә йәшәү рәүешенә ынтылыш барлыҡҡа килә. Күңелдә яҡшылыҡҡа ышаныс тыуа. Конкурсты ойоштороусыларҙың береһе Эльвира Айытҡоловаға рәхмәтемде белдерәм. Унда олоһо ла, кесеһе лә ҡатнаша», — тине Радий Хәбиров.
Рәсәйҙең һаулыҡ һаҡлау министры Михаил Мурашко үҙенең видеосәләмләүендә билдәләүенсә, Башҡортостандың «Айыҡ ауыл» проекты сәләмәт йәшәү рәүешенә ылыҡтырыу һәм халыҡ араһында хәмер эсеүҙе кәметеү йәһәтенән уңышлы миҫалдарҙың береһе булып тора.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.