

Асҡын ауылынан Гөлнара Рауил ҡыҙы һәм Фәһим Мөхәмәт улы Сабитовтар ғаиләһендә бишенсе бала тыуған. Малайға Амиль тигән исем һайлағандар. Райондың ЗАГС бүлегендә әсәгә улының тәүге документы тапшырылған. Ҡыуаныслы яңылыҡ менән Башҡортостандың Юстиция эштәре комитеты рәйесе Владимир Спеле уртаҡлашты.
Хәтерегеҙгә төшөрәбеҙ, Ҙур һәм татыу ғаилә йылында республикала ишле ғаиләләр арта. Мәҫәлән, Әлшәй районында Тамара Махатадзе һәм Илфаҡ Ғәлиуллин ғаиләһендә бишенсе бала тыуған. Ҡыҙға Рената тип исем ҡушҡандар, тип яҙғайны «Башинформ».