Билдәле диктор, Башҡортостандың халыҡ артисы Лира Фәйзуллина вафат
Өфөлә 91-се йәшендә «Башҡортостан» дәүләт телерадиокомпанияһы дикторы, Башҡортостандың халыҡ артисы Лира Фәйзуллинаның йөрәге тибеүҙән туҡтаны. Ҡайғылы хәбәрҙе телевидениела эшләгән коллегалар хәбәр итте.
Лира Фәхри ҡыҙы БАССР-ҙың Красноусол районы Сәйетбаба ауылында (Башҡортостандың Ғафури районы) тыуған. 1956 йылда Өфө педагогия училищеһын тамамлаған. Шул саҡта дикторҙар конкурсында һайлап алыу турын үтеп, тәүге тапҡыр радиоэфирға сыға. Башҡортостан радиоһы ул ваҡытта Үҙәк почтамт бинаһында урынлашҡан була, бөтә тапшырыуҙар тура эфирҙа алып барыла, дикторҙарға ла юғары талаптар ҡуйыла. Телмәр мәҙәниәтенең юғары булыуы, матур тембрлы тауыш, һөйкөмлөлөк һәм артистизм Лира Фәйзуллинаға популяр алып барыусыларҙың береһе булырға мөмкинлек бирә.
Лира Фәйзуллина 40 йылға яҡын диктор булып эшләй. Өфө сәнғәт училищеһын, Гөлли Мөбәрәкова һәм Ғабдулла Ғиләжев курсын, Мәскәүҙә дикторлыҡ курстарын тамамлай, унда күренекле дикторҙар Юрий Левитан, Ольга Высоцкая, Людмила Кайгородованың лекцияларын тыңлай.
Радиола Лира Фәхри ҡыҙы яңылыҡтар уҡый, «Ата-әсәләр өсөн тапшырыу» рубрикаһын, «Ауыл хужалығы» радиожурналын, мәғлүмәт-сәйәси, балалар тапшырыуҙарын, байрам сараларынан тура трансляциялар алып бара, радиоспектаклдәрҙә ҡатнаша. Телевидениела балалар өсөн «Асыҡ ишек» тапшырыуы алып барыусыһы була. «Туй» телефильмында төшә («Баштелефильм», 1970).
Хушлашыу иртәгә, 1 апрелдә, иртәнге сәғәт 10-да Өфө ҡалаһы, Зәки Вәлиди урамы, 7 адресы буйынса уҙа. «Башинформ» Лира Фәйзуллинаның туғандарының һәм яҡындарының ауыр ҡайғыһын уртаҡлаша.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.