Республикала Борай – Иҫке Балтас – Көйәҙе юлы төҙөкләндерелә

Башҡортостандың Тәтешле районында «Йәшәү өсөн инфраструктура» милли проектын ғәмәлгә ашырыу һөҙөмтәһендә Борай – Иҫке Балтас – Көйәҙе юлының биш саҡрымын ремонтлайҙар. Был хаҡта Башҡортостандың Транспорт һәм юл хужалығы министрлығында хәбәр иттеләр.

Ремонт эштәре Үрге Тәтешле ауылы янындағы участкала алып барыла. Эшселәр асфальт-бетон япмаһын яңырта, юл ситтәрен нығыта, тамғалар һыҙа.

Борай — Иҫке Балтас — Көйәҙе юлы Балтас, Борай һәм Тәтешле райондарын бәйләй. Уларҙа 58 меңдән ашыу кеше йәшәй.

«Бәләкәй ауылдарҙың халҡы район үҙәге Үрге Тәтешле ауылына ошо юлдан йөрөй. Шулай уҡ был трасса Башҡортостан менән Пермь крайы араһында транспорт бәйләнешен тәьмин итә. Тәүлегенә юлдан 3 меңдән ашыу автомобиль үтә», — тине Башҡортостандың транспорт министры Любовь Минакова.

Тәтешле районында Борай — Иҫке Балтас — Көйәҙе юлы участкаһын ремонтлауҙы 2026 йылдың аҙағына тиклем тамамлау планлаштырыла.

https://www.bashinform.ru/news/nacproject/2026-03-26/v-bashkirii-otremontiruyut-dorogu-buraevo-starobaltachevo-kueda-4628125