Радий Хәбиров Талас ауылында Бөйөк Ватан һуғышы ветераны менән күреште
13 мартта Башҡортостан Башлығы Радий Хәбиров Стәрлетамаҡ районының Талас ауылында Бөйөк Ватан һуғышы ветераны, Стәрлетамаҡ районының почетлы гражданы Ғәбдрәшит Хәмит улы Әһлиуллиндың хәлен белешергә килде.
Ветеран республика етәксеһенә үҙенә 17 йәше тулғас та хәрби комиссариаттан повестка килеүе тураһында һөйләне. 1944 йылдың декабрендә уларҙы, яңы хеҙмәткә алыныусыларҙы, хәрби хеҙмәткә саҡырыу пунктынан Өфөнөң күнекмә полкына ебәрәләр, еңеү тураһында хәбәрҙе лә улар шунда ишетә. Ғәбдрәшит Әһлиуллин хеҙмәт иткән частың бер өлөшө Байкал аръяғы фронтына оҙатыла. Гитлер Германияһын еңгәндән һуң Япония менән һуғыш башлана. Ғәбдрәшит Хәмит улы уны тар-мар итеүҙә ҡатнаша.
«Мин 7 йыл армияла хеҙмәт иттем һәм 1951 йылда ғына тыуған яғыма ҡайттым. Ғүмерем буйы әҙерләү контораһында эшләнем. Радий Фәрит улы, һеҙгә республикабыҙ өсөн башҡарған эштәрегеҙ, яугирҙәргә һәм уларҙың ғаиләләренә күрһәткән ярҙамығыҙ өсөн рәхмәт», – тине Бөйөк Ватан һуғышы ветераны.
Радий Хәбиров үҙ сиратында Ғәбдрәшит Хәмит улын яҡынлашып килгән тыуған көнө менән ҡотланы, 15 мартта уға 99 йәш тула. Республика етәксеһе ветеранға генерал Шайморатов орденын тапшырҙы һәм ныҡлы һаулыҡ, рух күтәренкелеге теләне.
Ғәбдрәшит Әһлиуллин хәләл ефете Хәзәр Абдрахман ҡыҙы менән 72 йыл бергә ғүмер кисергән, 6 бала тәрбиәләп үҫтергән. Уларҙың 13 ейән-ейәнсәре һәм 9 бүлә-бүләсәре бар. Ҡыҙғанысҡа ҡаршы, 2025 йылда ветерандың ҡатыны донъя ҡуйған.
Киләһе йылда, Ғәбдрәшит Хәмит улына 100 йәш тулғас, модулле ауыл клубы өсөн нигеҙ һалырбыҙ, тип билдәләне Радий Хәбиров.
Ғәбдрәшит Әһлиуллиндың хәрби наградалары: «Ватан һуғышы» ордены, «Японияны еңгән өсөн», «Маршал Жуков» миҙалдары, Бөйөк Ватан һуғышында Еңеү хөрмәтенә юбилей миҙалдары. 2020 йылда ул «Стәрлетамаҡ районының почетлы гражданы» исеменә лайыҡ булды.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.