Өфөлә Башҡорт ҡоролтайы ифтар ойошторҙо
Байрам ифтарында башҡорт халҡының боронғо «Урал батыр» эпосына арналған фекер алышыу уҙҙы.
4 мартта, изге Рамаҙан айының 14-се көнөндә, Бөтә донъя башҡорттары ҡоролтайы Өфөлә йәмәғәт ойошмаһы ағзалары, дуҫтары һәм фекерҙәштәре өсөн ифтар ойошторҙо. Сара бик йәнле, йәмле, бай йөкмәткеле, берҙәмлек, бер-береңә ҡарата оло хөрмәт сағылышы булды, тип хәбәр иттеләр ойошманың матбуғат хеҙмәтендә.
Хәләл кафела ойошторолған ифтарҙа ҡоролтайҙың президиум, башҡарма комитет, Аҡһаҡалдар ҡоро ағзалары, назарат, йәмғиәт ойошмалары, министрлыҡтар, ведомстволар вәкилдәре, матбуғат һәм киң мәғлүмәт саралары, мәҙәниәт хеҙмәткәрҙәре, Дәүләт Йыйылышы – Ҡоролтай депутаттары, эшҡыуарҙар, МХО яугирҙәре, блогерҙар, ирекмәндәр ҡатнашты.
Бөтә донъя башҡорттары ҡоролтайы президиумы рәйесе, Рәсәй Дәүләт Думаһы депутаты Эльвира Айытҡолова сәләмләү һүҙендә бындай сараның шәфҡәтлелек билдәһе булыуҙан тыш, ватандаштарҙы дөйөм ҡиммәттәр тирәләй туплауы, илһөйәрлек, тарихыбыҙға һәм хәҙергебеҙгә ҡарата ихтирам тойғоһон тәрбиәләүе тураһында әйтте.
Байрам ифтарында изгелектең яуызлыҡ менән көрәше, үлемһеҙлек эҙләү һәм донъяның яралыуы тураһында боронғо «Урал батыр» эпосына арналған фекер алышыу булды.
Махсус хәрби операцияла ҡатнашыусыларға һәм уларҙың ғаиләләренә айырыуса иғтибар бүленде. Бөтә донъя башҡорттары ҡоролтайы рәйесе, Дәүләт Йыйылышы депутаты, Башҡортостан Фәндәр академияһының Стратегик тикшеренеүҙәр институты ғилми хеҙмәткәре Юлдаш Йосопов спонсорҙарҙан бүләктәр һәм сертификаттар тапшырҙы. МХО-ла ҡатнашыусыларға һәм госпиталдәргә ярҙам күрһәткән өсөн ирекмәндәр ҙә Бөтә донъя башҡорттары ҡоролтайының рәхмәт хаттары менән билдәләнде.
Башҡортостан мосолмандарының Диниә назараты рәйесе Айнур Бирғәлин ифтарға фатихаһын бирҙе. Ул йәмәғәт намаҙы уҡырға саҡырҙы, унан һуң ҡатнашыусылар өҫтәл артына йыйылып, хәйриә юлындағы хеҙмәттәшлек өсөн бер-береһенә рәхмәт белдерҙе.
Ифтарҙы ҡурайсылар һәм «Йатаған» этно-төркөмөнөң сығыштары биҙәне. «Башҡортостан этно һылыуҡайы-2026» төбәк этник матурлыҡ һәм таланттар конкурсы финалсылары дизайнер, «Сәрби» ательеһы етәксеһе Саимә Хәсәнованың «Таң һылыуы» коллекцияһын күрһәтте.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.