Билдәле йырсы Гөлназ Асаева ҡатнашлығындағы юл фажиғәһе тураһында яңы мәғлүмәттәр билдәле булды

Гөлназ Асаева авариянан һуң бәйләнешкә сыҡҡан. 28 февралдә Башҡортостан трассаһында Hyundai Solaris менән бәрелешкән JAC автомобиле рулендә ул үҙе ултырған булған.

Йырсы һүҙҙәренсә, ул зыян күргәндәрҙең ғаиләһе менән элемтәлә тора һәм уларға һәр төрлө ярҙам күрһәтергә әҙер.

«Рулдә мин инем. Һауа шарттары насар булғас, идара итеү һәләтен юғалттым. Ҡаршы һыҙатҡа сыҡтым. Бер ни ҙә эшләп булмай ине. Зыян күргән яҡ менән бәйләнештә торабыҙ. Бөтә шылтыратыуҙар ҙа теркәлгән, сөнки беҙгә теге машина пассажирҙарының телефон номерҙарын бер кем дә бирмәне», — тигән ул.

Үҙенең социаль селтәрҙәрендә Гөлназ Асаева 4 мартҡа планлаштырылған концерттың булмауын яҙған. Тамашалар «зыян күреүселәрҙең рөхсәте менән» һәм «бөтәһе лә аңына килгәндән һуң» ғына дауам итергә мөмкин. Йырсыны водитель таныҡлығынан мәхрүм иткәндәр, ләкин был хаҡта ул бөтөнләй борсолмай, сөнки ул оҙаҡ ваҡыт рулгә ултырырға теләмәйәсәк. 

https://www.bashinform.ru/news/social/2026-03-02/bashkirskaya-pevitsa-gulnaz-asaeva-prokommentirovala-dtp-so-svoim-uchastiem-4599120