Күмертауҙа Бөйөк Ватан һуғышы ветераны Григорий Савинды бер быуатлыҡ юбилейы менән тәбрикләнеләр. Хакимиәт башлығы вазифаһын башҡарыусы Эвелина Зверева, ҡала советы рәйесе Евгений Оськин һәм Ветерандар советы рәйесе Муаед Мамбетов йөҙйәшәрҙе өйөнә килеп ҡотланы.
Григорий Васильевич 16 йәшендә фронтҡа китә. Эстонияны һәм Польшаны азат итеүҙә ҡатнаша. Тарту ҡалаһын азат иткән өсөн «Батырлыҡ өсөн» миҙалы менән бүләкләнә.
Ветеран 1945 йылда ҡаты яралана. Шул саҡта табип, йәш яугирҙе дәртләндереп, былай ти: «Борсолма, улым! Дауаларбыҙ, йөҙ йәшкә тиклем йәшәрһең». Совет табибының әйткән һүҙҙәре дөрөҫкә сыға.
Григорий Савин 100 йәшлек юбилейын яҡындары менән билдәләй. Әлеге көндә һуғыш ветераны уларҙың һөйөүенә һәм ҡәҙер-хөрмәтенә төрөнөп йәшәй.