Өфөлә шәхси автобустарҙа ла «Бәхетле сәғәт» акцияһы ғәмәлгә ашырылыуы ихтимал

Башҡортостандың Транспорт министрлығы баш ҡалала шәхси автобус хужалары менән уларҙың маршруттарында «Бәхетле сәғәт» акцияһын башлау буйынса һөйләшеүҙәр алып бара. Был турала БСТ телеканалының «Честно говоря» программаһы эфирында ведомство башлығы Любовь Минакова белдерҙе.

«Киләсәктә шәхси эшҡыуарҙарҙың «Бәхетле сәғәте» барлыҡҡа килер тип уйлайым, беҙ ошо мәсьәлә өҫтөндә эшләйбеҙ. Барыһы ла уларҙың быны үҙ яуаплылығына алырға әҙер булыу-булмауына бәйле», — тине Минакова.

Акция ваҡытында «Башавтотранс» автобустарында, бөтә троллейбустарҙа һәм трамвайҙарҙа, Шулай уҡ «Өфө — Иглин» электричкаһында өс тапҡыр күсеп ултыра ала.

Билдәле булыуынса, «Бәхетле сәғәт» менән Башҡортостан халҡы 1 миллиард һумдан ашыу аҡса экономиялаған.

https://www.bashinform.ru/news/social/2026-02-03/aktsiya-schastlivyy-chas-mozhet-zarabotat-u-chastnyh-perevozchikov-v-ufe-4561978