Республикала урманды йыһандан күҙәтәләр
Был иһә 5,7 млн гектар.
«Федераль урман хужалығы агентлығы менән системалы эш алып барыу һөҙөмтәһендә 2026 йылдың башына яҡшы күрһәткескә өлгәштек — хәҙер Башҡортостан урман фондының 100% йыһан күҙәтеүендә. Әгәр 2018 йылда урман фондының 6% ғына йыһандан күҙәтһәләр, бөгөн был 5,7 миллион гектар тәкшил итә», — тип белдерҙе Башҡортостан Башлығы Радий Хәбиров.
Республика етәксеһе билдәләүенсә, йыһан мониторингы урман инспекторҙарының мөһим ҡоралы булып тора.
«Былтыр ғына система урман ҡануниәтен боҙоуҙың 71 осрағын асыҡларға ярҙам итте. Спутниктар барыһын да «күрә»: рөхсәтһеҙ урман ҡырҡыусыларҙың эшен генә түгел, ә ҡуртымсылар яғынан ҡағиҙә боҙоуҙарҙы ла. Декларацияһыҙ эшләү, участкаларҙы үҙ белдеге менән биләү, ғәмәлдән сыҡҡан документтар менән ағас ҡырҡыу – хәҙер законды урап үтергә маташыу асыҡ күренә. Закон боҙоуҙарға юл ҡуймайбыҙ, ғәйеплеләр яуаплылыҡҡа тарттырыла. Минең позициям ябай: урманда тәртип булырға тейеш», — тип билдәләне Радий Хәбиров.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.