Башҡортостанда Өфө — Инйәр — Белорет юлы ваҡытлыса ябылды

4 ғинуарҙа киске сәғәт 8-ҙән башлап Өфө-Инйәр-Белорет трассаһының 27-се саҡрымдан 222-се саҡрымға тиклемге участкаһында барлыҡ төр транспорт саралары өсөн хәрәкәт ябылды. Был турала Башҡортостан дәүләт автоинспекцияһы начальнигы Владимир Севастьянов белдерҙе.

Ошондай уҡ сикләүҙәр Өфө — Ырымбур трассаһында индерелгән: 27-се саҡрымдан (Өфө районы Булгаково ауылы) 112-се саҡрымға (Стәрлетамаҡ) һәм 112-се саҡрымдан (Стәрлетамаҡ) 274-се саҡрымына (Яңы Мораптал ауылы) тиклемге участкаларында.

Юл хәрәкәтен сикләүҙәр яҡынса 5 ғинуарҙа иртәнге сәғәт 9-ҙа алыныр тип көтөлә.

Трассаның транспорт хәрәкәте ваҡытлыса сикләнгән участкаларында БР Ғәҙәттән тыш хәлдәр буйынса дәүләт комитеты ҡотҡарыусылары дежур итә. БР ғәҙәттән тыш хәлдәр дәүләт комитеты рәйесе Кирилл Первов әйтеүенсә, Туймазы районындағы «Урал» М-5 федераль трассаһының 1285-се саҡрымында йылытыу пункты асылған, ҡотҡарыусылар водителдәрҙең шылтыратыуҙары буйынса ярҙамға килергә мөмкин. Республикала халҡына һәм ҡунаҡтарға алыҫ сәфәрҙәргә сыҡмай торорға кәңәш ителә.

https://www.bashinform.ru/news/social/2026-01-04/v-bashkirii-na-treh-uchastkah-avtodorog-vvedyon-pereryv-dvizheniya-4528735