Башҡортостан Башлығы Радий Хәбиров Мәскәү авиация институты һәм Өфө фән һәм технологиялар университеты араһында хеҙмәттәшлекте нығытыу ниәте тураһында һөйләне. Республика етәксеһе Мәскәү авиация институты ректоры Михаил Погосян менән берлектәге проекттар тураһында фекер алышты.
«Михаил Аслан улы — авиация төҙөлөшө легендаһы, хәрби һәм граждандар авиацияһы үҫешенә тос өлөш индергән кеше. Хәҙер ул илдең алдынғы техник вуздарының һәм милли тикшеренеү үҙәктәренең береһен етәкләй», — тип яҙҙы Хәбиров социаль селтәрҙәге сәхифәһендә.