Башҡортостандан бишенсе класс уҡыусыһы президенттан бүләк һораған

Башҡортостандан Эмир Билалов «Владимир Путин менән йыл йомғаҡтары» программаһы редакцияһына мөрәжәғәт иткән. Дөйөм Рәсәй халыҡ фронтының төбәк бүлексәһе матбуғат хеҙмәтендә белдереүҙәренсә, йәш яҡташыбыҙ ил президентына һорау биреү мөмкинлеге тураһында MAX мессенджерынан белеп ҡалған һәм шунда уҡ үҙенең хыялы тураһында яҙып ебәргән.

«Мин «Теләктәр шыршыһы»на яҙырға теләгәйнем, әммә өлгөрмәнем. Шуға күрә туранан-тура Владимир Путинға мөрәжәғәт итергә булдым һәм ҡышҡы балыҡ тотоу өсөн бырау, спиннинг һораным, сөнки мин балыҡ тоторға яратам. Башлыса мин Белорет районының Сермән ауылында, ә атайым менән Әбйәлил районының Ташбулат ауылында балыҡ тотам», — ти Эмир.

Уҡыусының мөрәжәғәтен Халыҡ фронты вәкилдәре яуапһыҙ ҡалдырмаған. Улар малайҙың хыялын бойомға ашырған: ҡышҡыһын балыҡ тотоу өсөн бырау һәм спиннинг бүләк иткән.

Әмир Ғәзиз Әлмөхәмәтов исемендәге Республика гимназия-интернатында белем ала. Ул валторнала уйнай, китап уҡырға ярата.

https://www.bashinform.ru/news/social/2025-12-18/pyatiklassnik-iz-bashkirii-poprosil-u-prezidenta-podarok-dlya-rybalki-4513324