Өфөлә билдәле телеоператор Эдуард Әхсәнов 55 йәшендә ҡапыл вафат булған.
Эдуард Әхсәнов Мәскәүҙә Бөтә Рәсәй оператор факультетын тамамлаған. 10 йылдан ашыу БСТ телеканалында эшләй, шулай уҡ «Уфа-ведомости», «Наша Версия РБ» компанияларында һәм төбәктең башҡа киң мәғлүмәт сараларында хәбәрсе була.
Коллегалары уны аҡыллы, эрудициялы, һәр кадрға ижади ҡараған, ҡыҙыҡлы әңгәмәсе итеп хәтерендә ҡалдырҙы.
«Башинформ» мәрхүмдең туғандарының һәм яҡындарының ҡайғыһын уртаҡлаша.