Башҡортостанда туристар ағымын иҫәпләнеләр

Быйыл ғинуар-сентябрь айҙарында Башҡортостанға 1,6 миллиондан ашыу турист килгән. Был хаҡта премьер-министр Андрей Назаров хәбәр итте. Ағым уҙған осорға ҡарата 1,2% артҡан. Ҡунаҡтарҙың һаны буйынса республика Волга буйы федераль округында өсөнсө урынды биләй.

«Туристар ағымының артыуы беҙҙең дөрөҫ йүнәлештә барыуыбыҙҙы күрһәтә. Башҡортостан ял һәм мәҙәни сәфәрҙәр өсөн ҡыҙыҡлыраҡ була бара, сөнки инфраструктураны үҫтерәбеҙ, маршруттарҙы киңәйтәбеҙ, сервис сифатын күтәрәбеҙ», — тип белдерҙе хөкүмәт башлығы.

Башҡортостанда 66 туроператор эшләй, улар 800-ҙән ашыу маршрут тәҡдим итә. Фәнни программалар, тау һуҡмаҡтары, йылға буйлап һалда йөҙөп төшөү һәм башҡалар. Йышыраҡ Силәбе, Ырымбур, Свердловск өлкәләренән һәм Татарстандан ҡунаҡтар килә.  

Шул уҡ ваҡытта эске төбәк туризмы ла үҫешә — республика халҡы тыуған төйәгендә сәйәхәт итеүгә өҫтөнлөк бирә.

https://www.bashinform.ru/news/social/2025-11-27/v-bashkirii-podschitali-potok-turistov-4484068