Гүзәл Насирова Башҡортостандың Ҡатын-ҡыҙҙар союзы рәйесе итеп һайланды
Иглин районы хакимиәте башлығы Гүзәл Насирова Башҡортостандың Ҡатын-ҡыҙҙар союзы рәйесе итеп һайланды. Был хаҡта ул үҙенең телеграм-каналында хәбәр итте.
«Бөгөн минең тормошомда тағы бер бүлек башланды – мине Башҡортостандың Ҡатын-ҡыҙҙар союзы рәйесе итеп һайланылар. Иглин районы башлығы вазифаһында көн һайын социаль мәсьәләләрҙе хәл итеү, ғаиләләрҙең йәшәү сифатын яҡшыртыу, әсәлеккә һәм балалыҡҡа ярҙам итеү өҫтөндә эшләйбеҙ. Хәҙер республика кимәлендәге мөһим бурыстар көтә. Беләм, беҙҙең сафта — бер-беребеҙгә ярҙам итергә әҙер бик күп талантлы ҡатын-ҡыҙ, беҙҙең көсөбөҙ – берҙәмлектә», — тип билдәләне Насирова.
Башҡортостан Ҡатын-ҡыҙҙар союзының элекке рәйесе Рәшиҙә Солтанова 28 йыл ошо вазифаны биләне. Ошо йылдар эсендә Ҡатын-ҡыҙҙар союзы әйҙәүсе көскә әүерелде, тип билдәләне Гүзәл Насирова һәм уға эше өсөн рәхмәт белдерҙе.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.