
Өфөлә республика Башлығы Радий Хәбиров ҡушыуы буйынса Башҡортостан өлкә комитетының беренсе секретары Миҙхәт Шакиров исемендәге сквер төҙөлөшө аҙағына яҡынлаша. Әле төҙөлөш 90% тамамланған, тип хәбәр итә баш ҡала мэры Ратмир Мәүлиев.
Әлеге ваҡытта йәшелләндереү эштәре бара, гранит тротуар һалынған, яҡтыртыу бағаналары, ҡоймалар ҡуйылған. Мэр иҫкәртеүенсә, киләсәктә бында Миҙхәт Шакировҡа һәйкәл ҡуйыласаҡ. Ул дәүләт эшмәкәренең күренекле ҡаҙаныштарын һынландырасаҡ һәм Совет осоронда Башҡортостанды төҙөгән барлыҡ хеҙмәтсәндәргә арналасаҡ.
Сквер төҙөү 2016 йылда ҡарар ителгәйне, 2020 йылда бында асфальт һалыу эштәре башҡарылды.