Башҡортостанда Стәрлебаш районының һуңғы Бөйөк Ватан һуғышы ветераны менән хушлаштылар

Стәрлебаш районы һуңғы Бөйөк Ватан һуғышы ветераны, почетлы граждан Зөфәр Ғәлиев менән хушлашты. Ул 98-се йәшендә вафат булды.

Зөфәр Шәрип улы Алыҫ Көнсығышта хеҙмәт итә, 258-се дивизияның 991-се уҡсылар полкының 6-сы ротаһында отряд командиры була. Бөйөк Ватан һуғышы тамамланғас, совет-япон һуғышында һуғыш юлын дауам итә, Көньяҡ Кореяға барып етә. Ватан һуғышы ордены һәм «Японияны еңгән өсөн» миҙалы менән бүләкләнә.

Тыныс тормошта Зөфәр Шәрип улы тыуған ауылы Баҡыйҙа «Правда» ауыл хужалығы кооперативында умартасы булып эшләй, комсомол ойошмаһы секретары вазифаһын башҡара. Тормош иптәше Зөһрә Ғәзулла ҡыҙы менән дүрт бала үҫтергәндәр. Урындағы халыҡ, ветеран һәр саҡ тырыш хеҙмәт һәм әүҙем гражданлыҡ өлгөһө булып ҡалды, тип белдерә.

Район хакимиәте башлығы Рөстәм Рахманғолов әйтеүенсә, Стәрлебаш районында иҫән фронтовиктар хәҙер инде юҡ, Зөфәр Ғәфиев Бөйөк Ватан һуғышы ваҡиғаларының һуңғы шаһиты була.

https://www.bashinform.ru/news/social/2025-11-05/v-sterlibashevskom-rayone-bashkirii-prostilis-s-poslednim-veteranom-4453949