

1 октябргә барлыҡ муниципалитеттарҙа ла йылытыу миҙгеле башлана, тип хәбәр итте хөкүмәттең оператив кәңәшмәһендә торлаҡ-коммуналь хужалыҡ министры Ирина Голованова
«Тыштағы һауа температураһын иҫәпкә алып, объекттарға йылы биреүҙе 1 октябрҙән дә һуңға ҡалмайынса тамамларға кәрәк», – тине ул.
29 сентябргә 50 район һәм ҡалала йылытыу миҙгеле старт алды. Ике меңдән ашыу социаль объект (дөйөм күләмдең 65%) һәм 6,7 меңдән ашыу күп фатирлы йорт (43%) йылытыла.
«Муниципалитет үҙе ҡарар ҡабул итергә тейеш. Шулай ҙа мин йылы бирә башларға кәрәк тип иҫәпләйем. Төндә температура түбәнәйә», – тине республика етәксеһе.
Хәтерегеҙгә төшөрәбеҙ, Өфөлә йылытыу миҙгеле 25 сентябрҙә башланды, тип яҙғайны «Башинформ».