Салауатта һауала зарарлы матдәләрҙең артыуы асыҡланмаған
Тәбиғәттән файҙаланыу һәм экология министрлығы белгестәре Салауат ҡалаһында атмосфера һауаһының сифатын тикшерҙе.
Ҡалала «Газпром нефтехим Салауат» предприятиеһына БПЛА һөжүменән һуң күсмә лаборатория эшләй. Һауаның сифатын Салауат Юлаев, 8б һәм Беренсе Май, 18 адрестары буйынса урынлашҡан атмосфераның бысраныуын автоматлаштырылған контролдә тотоу станциялары (АСКЗА) ярҙамында күҙәтәләр. Уларҙың мәғлүмәттәре буйынса, 12-се 30 минутҡа зарарлы матдәләрҙең артыуы асыҡланмаған.
Хәл контролдә тотола, тип хәбәр итте тәбиғәттән файҙаланыу һәм экология министры Нияз Фазылов.
Салауат ҡалаһы мэры Марат Заһиҙуллин да хәлгә аңлатма бирҙе. Уның һүҙҙәренсә, халыҡҡа бер ниндәй ҙә хәүеф янамай.
«Хеҙмәткәрҙәр һәм ҡала халҡы араһында зыян күреүселәр һәм ҡорбандар юҡ. Махсус хеҙмәттәр зыян күләмен баһалай. Янғынды һүндереү буйынса тейешле саралар күрелә», – тип яҙҙы ул үҙенең телеграм-каналында.
www.bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.