Башҡортостанда ауыл эргәһендә һеләүһен йөрөгән

Бишбүләк районының Иттихат ауылы янында һеләүһен күргәндәр. Урман ҡунағын машинала китеп барғанда видеоға төшөрөп алғандар. Кадрҙа күренеүенсә, йәнлек кешеләрҙе шәйләү менән ҡасыу яғын ҡараған.

Башҡортостан Тәбиғәттән файҙаланыу һәм экология министрлығының матбуғат секретары Ренара Ғәзина хәбәр итеүенсә, һеләүһен – йыртҡыс йәнлек. Республикала 1300-ҙән ашыу һеләүһен йәшәй. Башлыса улар кимереүселәр, ҡоштар, ҡуяндар, ҡоралайҙар менән туҡлана.

Һуңғы өс йылда йыл һайын 51-82 йәнлеккә һунар итеү рөхсәт ителә. Һунарсылар яҡынса 15 һеләүһенде атып алған. Был иһә йыртҡыстың һирәк осрауы тураһында һөйләй.

Ведомствола белдереүҙәренсә, һеләүһенгә тап булғанда уға яҡынлашырға, бигерәк тә ашатырға ярамай. Әкрен генә ошо урындан китеү яғын ҡарарға кәрәк. Һуңғы 20 йылда ауылдарға йәш һеләүһендәр килеүҙең унға яҡын осрағы теркәлгән, шул иҫәптән Өфөлә ике осраҡ.

https://www.bashinform.ru/news/social/2025-09-17/v-bashkirii-rys-vyshla-k-lyudyam-4391565